Kosovaishte mysafire e Greqisë (2-0) për ndeshjen e katërt në kuadër të Grupit 2 të Ligës C në Ligën e Kombeve.

Në ndeshjen që u zhvillua në Panthessaliko Stadium në Volos, Dardanët ishin në kërkim të pikëve të plota në mënyrë që ta barazonin liderin e grupit, por nuk ia dolën.

Skuadra jonë ka arkëtuar gjashtë pikë në katër sfidat e parë duke humbur vetëm nga Helenët, ndërsa ekipi nikoqir i ka fituar të gjitha katër takimet.


Telegrafi ju ka mbajtur të informuar në kohë reale për të gjitha detajet e sfidës Greqi 1–0 Kosovë.


Lajme Live

5 muaj

Situata në Grupin 2 të Ligës C

(Foto: uefa.com)

5 muaj

Statistikat e ndeshjes

(Foto: Flashscore)

5 muaj

Përfundon ndeshja

Ka përfunduar ndeshja ndërmjet Greqisë dhe Kosovës (2-0) në kuadër të Ligës së Kombeve.

Helenët kanë fituar me rezultat minimal takimin e zhvilluar në Panthessaliko Stadium në Volos në kuadër të Grupit 2 në Ligën C të Ligës së Kombeve.

(Foto: Twitter/Ethniki Omada)

5 muaj

Goli i dytë për Greqinë

Derisa mysafirët bënin përpjekjet e fundit për ta barazuar rezultatin, Petros Mantalos shënoi edhe golin e dytë për nikoqirët (90’+9).

5 muaj

90’+3 Harkim nga këndi për Kosovën që nuk shfrytëzohet në mënyrën më të mirë.

5 muaj

90′ Tetë minuta lojë shtesë për shkak të ndërprerjes së mëhershme.

5 muaj

89′ Vazhdojnë përpjekjet e vizitorëve për t’i barazuar shifrat, por e kanë shumë të vështirë.

5 muaj

84′ Një rrezik i krijuar nga Rashica që shkon mbi portë.

5 muaj

79′ Situatë e dyshimtë, por gjyqtari thotë se nuk ka penallti për Muriqin.

5 muaj

Rifillon ndeshja

78′ Pas një ndërprerjeje rreth pesëminutëshe, ka rifilluar ndeshja në Panthessaliko Stadium në Volos.

5 muaj

Ndërpritet për një çast loja

Tifozët vendas hedhin gjësende dhe mjete piroteknike në fushë pas golit të epërsisë.

Lojtarët e Kosovës ankohen te gjyqtarët dhe delegatët.

Futbollistët grekë kanë shkuar për t’i qetësuar tifozët e tyre.

5 muaj

Greqia kalon në epërsi

71’ Kosova ka pranuar gol në përballjen ndaj Greqisë. Petros Mantalos harkoi në zonë, ndërsa Georgios Giakoumakis realizoi me kokë.

5 muaj

68′ Gjyqtari i ndeshjes nuk e vlerëson se duhet të konsultohet VAR-i për situatën e Rrahmanit që është shtyrë në zonë. Vazhdon ndeshja.

5 muaj

67′ Harkim nga këndi për Kosovën. Dardanët kërkojnë penallti pas një ndërhyrjeje në Rrahmanin.

5 muaj

64′ Vendasit arrijnë me një aksion para portës së Muric, por goditja e me gjoks e lojtarit kundërshtar shkon jashtë.

5 muaj

60’ Të tjera përpjekje të grekëve për t’i vënë në presion vizitorët, të cilët pas një orë lojë vazhdojnë të jenë të pathyeshëm.

5 muaj

52’ Pasqyrë e njëjtë e lojës edhe në fraksionin e dytë të lojës me grekët që po e dominojnë lojën dhe Dardanët që po mbrohen.

5 muaj

Zëvendësime në të dyja skuadrat

46’ Donat Rrudhani e ka lëshuar fushën për Florian Loshajn te Kosova.

46’ Petros Mantalos ka hyrë në vend të Anastasios Chatzigiovannis te Greqia.

5 muaj

Fillon pjesa e dytë

46’ Ka nisur pjesa e dytë e takimit ndërmjet Greqisë dhe Kosovës që zhvillohet në Panthessaliko Stadium në Volos.

Helenet e dominuan fraksionin e parë, megjithatë Dardanët arritën ta mbanin portën të paprekur.

(Foto: Twitter/Ethniki Omada)

5 muaj

Statistikat e pjesës së parë

(Foto: Flashscore)

5 muaj

Përfundon pjesa e parë

Ka përfunduar pa gola pjesa e parë e ndeshjes ndërmjet Greqisë dhe Kosovës në Panthessaliko Stadium në Volos.

Vendasit e dominuan sfidën e vlefshme për Ligën e Kombeve, megjithatë Dardanët ia dolën që të mos pranonin gol në 45 minutat e para.

5 muaj

37′ Tjetër situatë e rrezikshme, por sërish Rrahmani vendimtar.

5 muaj

33′ Një nga daljet e rralla të Kosovës përpara në një aksion më të gjatë që nuk kompletohet në mënyrën më të mirë.

5 muaj

30′ Tjetër duel i fituar nga Rrahmani, ndërkohë që vazhdon të ruhet e paprekur porta e Kosovës.

5 muaj

28′ Fati në anën e Muric, pasi goditja e kapitenit të Greqisë përfundon jashtë.

5 muaj

Tensione mes tifozëve në tribuna

Tifozët grekë gjuajnë me gurë Dardanët që ua kthejnë në të njëjtën mënyrë. Tensione në atë pjesë të tribunës.

Fillimisht, grekët kanë provokuar me një flamur, ku shfaqet harta e Kosovës me flamur të Serbisë.

5 muaj

22′ I pakalueshëm Rrahmani që nuk lejon të rrezikohet porta jonë.

5 muaj

21’ Ekipi kundërshtar arrin shumë shpejt të rrezikojë portën e Kosovës që deri më tani ka arritur t’i rezistojë golit.

5 muaj

18′ Rashica nxori një top fantastik në fazën e sulmit, mirëpo portieri kundërshtar e pastroi para Bytyqit.

5 muaj

15′ Tjetër situatë e rrezikshme, por Aro Muric bën një pritje të mrekullueshme.

5 muaj

12’ Grekët janë duke rrezikuar gjatë gjithë kohës derisa po ndërtojnë aksione kundrejt portës së Aro Muric.

5 muaj

8’ Situatë e rrezikshme që pastrohet nga faza defensive e Dardanëve. Por, vazhdon zhvillimi i lojës në gjysmëfushën tonë.

5 muaj

4′ Minutat e para të qeta me skuadrën vendase që po e imponon ritmin e lojës.

5 muaj

Fillon ndeshja

1’ Ka nisur ndeshja e Ligës së Kombeve ndërmjet Greqisë dhe Kosovës në Panthessaliko Stadium në Volos.

Dy skuadrat luajnë për pozitën e parë në Grupin 2 në Ligën C të Ligës së Kombeve.

5 muaj

Intonohen himnet

5 muaj

Lojtarët po i bëjnë nxehjet

5 muaj

Kosova në pesë ndeshjet e fundit

(Foto: Flashscore)

5 muaj

Rezultatet nga ndeshjet e drejpërdrejta

(Foto: Flashscore)

5 muaj

Greqia në pesë ndeshjet e fundit

(Foto: Flashscore)

5 muaj

Forma e skuadrave në pesë ndeshjet e fundit

(Foto: uefa.com)

5 muaj

Rreshtimi i Kosovës ndaj Greqisë

5 muaj

Formacionet zyrtare

Greqia: Vlachodimos; Baldock, Mavropanos, Chatzidiakos, Tsimikas; Bouchalakis, Bakasetas, Siopis; Chatzigiovanis, Pavlidis, Masouras

KOSOVA: Muric; Domgjoni, Rrahmani, Kryeziu, Aliti; Berisha, Rrudhani; Rashica, Muslija, Bytyqi; Muriqi.

5 muaj

Lojtarët testojnë stadiumin

5 muaj

Deklarata e Rashicës

“Duke e parë rëndësinë e ndeshjes, shpresoj që kontributi im të ndikoj te golat. Besoj se ndeshja ime ndaj Irlandës së Veriut ishte më e mira në stadiumin ‘Fadil Vokrri’”.

“Kemi shumë mungesa, por të gjithë lojtarët janë gati dhe do të japim maksimumin. Besoj që ka ardhur koha të bëjmë fitoren e parë ndaj Greqisë”.

“Nëse dëshirojmë ta fitojmë ndeshjen, atëherë duhet të shënojmë gola. Shpresoj se do të krijojmë shumë raste dhe të shënojmë sa më shumë gola”.

5 muaj

Deklarata e Giresse

“Është një ndeshje e vështirë dhe Greqia është një kundërshtar i fortë. Nuk mund të them se kjo ndeshje është një finale, por patjetër që është një ndeshje e madhe. Dhe një fitore eventuale në këtë takim sigurisht që do të rriste ambiciet tona ta fitojmë grupin”

“Deri më tani kemi pasur shumë probleme me lëndime e suspendime. Megjithatë, duhet të vazhdojmë dhe të tregojmë lojë të mirë në ndeshjen e së dielës. Kemi pasur probleme por shpresoj të mos i kemi në ndeshjet tjera të radhës”.

“Ne jemi këtu me këtë numër të futbollistëve që kemi. E kemi obligim që ta përfaqësojmë Kosovën në mënyrën më të mirë të mundshme me këtë grup të lojtarëve që kemi në dispozicion”.

“Kemi mungesa të mëdha dhe shumë të rëndësishme për ne. Ata nuk janë me ekipin dhe nuk mund t’i përdorim. E rëndësishme është që ta komponojmë një ekip me këta futbollistë që i kemi dhe të arrijmë të marrim rezultat pozitiv”.

“Dua të them që të gjitha ekipet kanë pas 23 apo 24 futbollist sikurse ne. Nga ky kontingjent kemi përdorur 17 futbollistë dhe gjatë këtij grumbulli ne kemi pasur probleme, jo vetëm me lëndimet, por edhe me suspendimet dhe nuk ka qenë e lehtë të zëvendësohen futbollistët që kanë munguar”.

“Nëse flasim për lëndimet dhe mungesat eventuale është normale që të ftohen lojtarët e rinj pasi do të kenë kohë të stërviten me ekipin. Por nëse flasim për të ftuar 30 lojtarë, kjo mund të krijoj problem pasi disa lojtarë mund të përfundojnë në tribuna dhe kjo mund të sjell probleme në ekip”.

5 muaj

Kosova me shumë mungesa

Nën udhëheqjen e Alain Giresse, Kosova dje ka zhvilluar stërvitjen e fundit dhe është gati për këtë përballje edhe pse ka disa mungesa të rëndësishme për shkak të lëndimeve apo pezullimit.

Bëhet fjalë për Edon Zhegrovën dhe Benjamin Kolollin të dëmtuar, ndërsa Lirim Kastratin, Ibrahim Dresevicin dhe Betim Fazlijin nuk do të jenë në fushë shkaku i kartonëve.

Por Kosova i gëzohet rikthimit të Aro Muric dhe Fidan Alitit, të cilët pikërisht ndaj Greqisë ishin ndëshkuar me kartonë të kuq.

Dje gjatë ditë në konferencë për media ishin të pranishëm, Alain Giresse dhe Milot Rashica.

Francezi e ka pranuar që është një ndeshje e vështirë, kundër një kundërshtari të fortë, por ka kërkuar fitore.

“Na pret ndeshje e vështirë, pasi Greqia është një kundërshtar i fortë. Nuk mund të them se kjo ndeshje është një finale, por patjetër që është një ndeshje e tepër e rëndësishme. Fitorja eventuale në këtë takim sigurisht që do t’i rriste ambiciet tona për ta fituar grupin. Pas fitores kundër Irlandës së Veriut e kemi motivin e duhur por të shohim çfarë do të sjellë ndeshja”, ka thënë Giresse.

Ndërkaq, Milot Rashica ka thënë se ka ardhur koha që Kosova ta mposhtë Greqinë, pasi në pesë përballjet e deritashme kemi regjistruar tri barazime e dy humbje.

“Duke e parë rëndësinë e ndeshjes, shpresoj që kontributi im të ndikoj te golat. Kemi shumë mungesa, por të gjithë lojtarët janë gati dhe do të japim maksimumin. Besoj që ka ardhur koha ta bëjmë fitoren e parë ndaj Greqisë”.

“Kjo ndeshje mund të përcaktojë gjithçka. Jemi të përgatitur për ta dhënë maksimumin dhe për ta fituar këtë ndeshje. Presim të jetë ndeshje shumë e vështirë, por besoj që me motivimin dhe gjërat e mira që kemi bërë në ndeshjen e kaluar t’i shfrytëzojmë” ka theksuar Rashica.

Pas ndeshjes me Greqinë, Kosovës i mbeten edhe dy ndeshje në muajin shtuar, ku udhëton te Irlanda e Veriut më 24 shtator, ndërsa pas tri ditësh pret Qipron në “Fadil Vokrri”.

Kosova në grup radhitet e dyta me 6 pikë, pas Greqisë e cila ka 9 pikë dhe para Qipros Jugore dhe Irlandës së Veriut me nga 1 pikë.