Linja e trashëgimisë në fronin britanik: Kush mund të bëhet Mbret pas Charlesit?

Mbreti Charles III mori fronin e Mbretërisë së Bashkuar më 8 shtator 2022, pas vdekjes së nënës së tij, Mbretëreshës Elizabeth II.

Kështu, sipas linjës së pasardhësve, ai erdhi në fron pas nënës së tij, e cila më parë pasoi të atin në vitin 1952, dhe gjyshin e Charlesit, Mbretin George VI.

Pasardhësi në fronin britanik rregullohet jo vetëm nga prejardhja, por edhe nga statuti parlamentar, raporton bbc.

Baza e trashëgimisë u vendos në dispozitat kushtetuese të shekullit të XV-të, të cilat kulmuan me Ligjin e të Drejtave të vitit 1689 dhe Aktin e Zgjidhjes të vitit 1701.

Lexo po ashtu Nga ngacmimet në shkollë tek tragjedia e Dianës - ngjarjet që 'i dhanë formë' Mbretit Charles III

Kur Mbreti James II u largua nga vendi në vitin 1688, këndvështrimi i parlamentit ishte se ai kishte “abdikuar qeverinë” dhe se froni ishte bosh. Më pas, froni ju ofrua vajzës së tij, Marisë dhe bashkëshortit të saj, William of Orange, si sundimtarë të përbashkët.

Kjo është arsyeja pse më pas u konstatua se sovrani nuk sundon vetëm përmes parlamentit, por edhe se trashëgimia në fron mund të rregullohet nga parlamenti dhe se sovranit mund t’i hiqet titulli për shkak të keqmenaxhimit.

Akti i Zgjidhjes konfirmoi se i takonte parlamentit të përcaktonte titullin e fronit.

Ligji parashikonte që vetëm pasardhësit protestantë të Princeshës Sophia, mbesa e James I, kishin të drejtë të trashëgonin fronin, dhe aktet e mëvonshme e konfirmuan këtë.

Parlamenti britanik, përmes Projektligjit të të Drejtave dhe Aktit të Zgjidhjes, përcaktoi kushtet që sovrani duhet të përmbushë.

Katolikët romakë janë të përjashtuar nga e drejta për të trashëguar kurorën. Përveç kësaj, sovrani duhet të jetë në bashkësinë e Kishës së Anglisë dhe duhet të betohet se do të mbështesë Kishën e Anglisë dhe Kishën e Skocisë.

Lexo po ashtu Princi Harry dhe Princi Andrew nuk do të kenë asnjë rol zyrtar në ceremoninë e kurorëzimit të Charles

Akti i “Succession to Crown” 2013 ndryshoi dispozitat e Ligjit të të Drejtave dhe Aktit të Zgjidhjes për t’i dhënë fund sistemit të prioritetit mashkullor, sipas të cilit një djalë më i vogël mund të zëvendësojë një vajzë më të madhe në linjën e trashëgimisë.

Ligji vlen për të gjithë të lindurit pas 28 tetorit të vitit 2011. Ligji shfuqizoi gjithashtu dispozitat që skualifikonin ata që martoheshin me katolikët romakë nga linja e trashëgimisë.

Ndryshimet hynë në fuqi në mars të vitit 2015.

Linja aktuale e trashëgimisë

Mbreti Charles III, në linjën aktuale të trashëgimisë, do të pasohet nga djali i tij i madh, Princi William.

Më poshtë është rendi i saktë i trashëgimisë në fronin e Mbretërisë së Bashkuar.

1. William, Princi i Uellsit

2. Princi George i Uellsit (fëmija më i madh i William)

3. Princesha Charlotte e Uellsit (fëmija i dytë i William)

4. Princi Louis i Uellsit (fëmija më i vogël i William)

5. Princi Harry, Duka i Sussex (djali i vogël i Charles)

6. Princi Archie i Sussex (djali i Princit Harry)

7. Princesha Lilibet e Sussex (vajza e Princit Harry)

8. Princi Andrew (vëllai më i vogël i mbretit Charles)

9. Princesha Beatrice (e bija e Princit Andrew)

10. Sienna Elizabeth Mapelli Mozzi (e bija e Princeshës Beatrice)

11. Princesha Eugene (vajza e vogël e Princit Andrew)

12. August Philip Hawke Brooksbank (djali i Princeshës Eugene)

13. Princi Eduard, Duka i Edinburgut (fëmija më i vogël i Mbretëreshës Elizabeth)

14. James, Earl of Wessex (djali i Princit Eduard)

15. Louise Windsor (e bija e Princit Eduard)

16. Princesha Anne (motra më e vogël e mbretit Charles)

17. Peter Phillips (djali i Princeshës Anne)

18. Savannah Phillips (mbesa e Princeshës Anne)

19. Isla Phillips (mbesa e Princeshës Anne)

20. Zara Tindall (e bija e Princeshës Anne)

21. Mia Tindall (mbesa e Princeshës Anne)

22. Lena Tindall (mbesa e Princeshës Anne)

23. Lucas Tyndall (mbesa e Princeshës Anne). /Telegrafi/