Liga e Kampionëve rikthehet me ndeshjet e dyta: RB Leipzig pret Tottenhamin, derisa Valencia shpreson në mrekulli ndaj Atalantas – formacionet e mundshme

Liga e Kampionëve do të rikthehet me përballjet e dyta në raundin e tetë të finales.

Rasenball Sport Leipzig do të jetë nikoqir i Tottenham Hotspurit, derisa takimin e parë në Londër gjermanët e fituan 1-0 dhe tani kanë përparësi.

Skuadra nga Bundesliga do të kërkojë edhe fitoren e dytë sonte në përballjen që fillon në ora 21:00, në mënyrë që të kalojë në çerekfinale.

🤩 Today is THE day! 🤩#ChampionsLeague #Achtelfinale!

Schaffen wir den Sprung ins Viertelfinale? 👀#RBLSPURS @ChampionsLeague pic.twitter.com/odsell3xaM

— RB Leipzig (@RBLeipzig) March 10, 2020

Leipzig për këtë sfidë nuk mund të llogarisë në Willi Orban që është i lënduar, derisa në dilemë është paraqitja e Ethan Ampadu, Timo Werner, Konates e Kampl, që janë po ashtu të lënduar.

Në anën tjetër, Tottenhami nuk mund të llogarisë në Ben Davies, Harry Kanen, Moussa Sissokon dhe Son Heung-Ming, që po ashtu janë të lënduar, derisa në dilemë janë Steven Bergwijn e Juan Foyth.

Formacion i mundshëm i RB Leipzig: Gulacsi; Klostermann, Upamecano, Halstenberg; Mukiele, Laimer, Sabitzer, Angelino; Werner, Schick, Nkunku

Formacioni i mundshëm i Tottenhamit: Lloris; Aurier, Sanchez, Alderweireld, Vertonghen; Lamela, Winks, Lo Celso, Sessegnon; Alli, Lucas

—————————————————————————

Ndeshja tjetër që zhvillohet po ashtu nga ora 21:00, do të jetë ajo në mes të Valencias dhe Atalantas, derisa italianët triumfuan në shtëpi me rezultat të thellë 4-1.

Skuadra spanjolle do të shpresojë që t’i shënojë tri gola në Mestalla, por Atalanta është në formë të shkëlqyer dhe vështirë se mund të lejojë një gjë të tillë.

Valencia për këtë sfidë do të ketë shumë mungesa si.

😍 Aquí estamos! 🦇 #VCFAtalanta #UCL#GoAtalantaGo ⚫️🔵 pic.twitter.com/13TvZDjBu5

— Atalanta B.C. (@Atalanta_BC) March 9, 2020

Ezequiel Gaya, Elaqium Mangala, Marcos Vallejo, Piccini dhe Gomez, që janë të lënduar, derisa Gabriel ka karton të kuq. Në dilemë është paraqitja e Francis Coquelin dhe Rodrigo që po ashtu janë të lënduar.

Atalanta do t’i ketë vetëm dy mungesa si, Bosko Sutalo dhe Rafael Toloi, që janë të lënduar.

Formacioni i mundshëm i Valencias: Domenech; Wass, Diakhaby, Gabriel, Gaya; Torres, Parejo, Kondogbia, Soler; Rodrigo, Gameiro

Formacioni i mundshëm i Atalantas: Gollini; Palomino, Caldara, Toloi; Gosens, Freuler, De Roon, Hateboer; Pasalic; Zapata, Ilicic. /Telegrafi/