Lewandowski shtyn për transferimin te Barcelona: Sulmuesi nuk dëshiron të bëjë stërvitje para-sezonale me Bayernin

Robert Lewandowski dhe Bayern Munich janë kthyer nga një çift shembullor në një ‘martesë të lumtur’ në një çift që shtyn për divorc të zemëruar.

Reprezentuesi polak dëshiron të ndërpresë marrëdhënien e tyre dhe të shkojë drejt Barcelonës, por klubi bavarez nuk është i gatshëm ta lërë atë të largohet.

Sipas mediumit Sport1, dëshmia e fundit e betejës së tyre të vështirë është se Lewa po refuzon, si një formë presioni, të bëjë para-sezonin me klubin gjerman.

Lojtari veteran, i cili në gusht mbush 34 vjeç, e ka bërë të qartë se dëshiron të prishë kontratën me Bayernin, pavarësisht se ka një marrëveshje deri në qershor të vitit 2023.

Lexo po ashtu Lewandowski e konfirmon edhe personalisht se nuk do të nënshkruajë kontratë të re me Bayern Munichun

Komentet e tij të fundit gjatë stërvitjeve me kombëtaren nuk lënë vend për dyshime.

“Koha ime në Bayern ka mbaruar. Nuk shoh ndonjë shans për të vazhduar karrierën time atje. Zgjidhja më e mirë është një largim. Shpresoj se ata nuk do të më mbajnë”, ka thënë Lewandowski.

Ai po përpiqet fort për lirinë e tij, por klubi i tij aktual nuk do ta bëjë të lehtë largimin për të.

“Ne gjithmonë kemi thënë se Robert Lewandowski ka kontratë deri më 30 qershor 2023. Dhe kontrata është kontratë!”, komentoi presidenti i klubit gjerman, Herbert Hainer.

Lexo po ashtu Presidenti i Bayern Munichut këmbëngul se Lewandowski do të luajë për ta edhe në sezonin e ardhshëm

Lewandowski po rebelohet

Sipas Sport1, si dëshmi e mëtejshme e refuzimit të tij për të mbetur i lidhur me Bayernin, Lewandowski, ka vendosur të mos marrë pjesë në stërvitjet parasezonale me skuadrën gjermane, që nisin në javën e dytë të korrikut.

Ai beson se tashmë është jashtë dhe dëshiron të shtyjë edhe më shumë për një lëvizje, e cila është duartrokitur nga klubi në Camp Nou.

Lexo po ashtu Barcelona e do Lewandowskin dhe Raphinhan për të formuar treshen e re sulmuese

Ata besojnë se kjo tregon qartë dëshirën e tij për të luajtur për Barcelonën dhe sepse ky qëndrim mund të ulë çmimin e largimit të tij nga Mynihu.

Lewandowski është ambicia e madhe e Barcelonës për sezonin 2022/23 dhe skuadra katalanase pranon hapur se polaku është prioriteti i tyre dhe ata po balancojnë librat për të mbyllur nënshkrimin e tij. /Telegrafi/