Gjendja alarmante që është krijuar pas shpërthimit të coronavirusit edhe në Shqipëri, ka bërë që të ketë reagime të shumta edhe nga fytyrat publike.
Këngëtarët, aktorët e personazhet e njohur me ndikim në rrjetet sociale, po e shfrytëzojnë mundësinë për t’i vetëdijesuar fansat që mos krijojnë panik.
Këngëtarja e njohur, Leonora Jakupi, publikoi në InstaStory një pamje të një lajmi ku profesoresha universitare, Majlinda Bregasi, ku bënte thirrje që të shqyrtohet seriozisiht marra e masave për parandalimin e coronavirusit në Kosovë.
E një gjë të tillë e bëri edhe Leonora, duke iu bërë apel institucioneve në mbishkrimin e kësaj fotografie, që të marrin masat e duhura.
Jakupi ka kërkuar që të mbyllen përkohësisht shkollat dhe vendet publike si masë preventive për evitim e coronavirusit.
“Apeloj te institucionet tona te marine masat preventive sa nuk eshte bere me e madhe kjo pune mbyllni shkollat dhe vendet publike”, ka shkruar Leonora.
Ajo përndryshe pak ditë më parë performoi në një tubim gjigant në “Natën e zjarreve” në Prekaz të Skenderajt. /Telegrafi/
