Legjenda e tenisit shlyen borxhet duke shitur trofe, medalje dhe rroba

Legjenda gjermane e tenisit, Boris Becker falimentoi në qershor të vitit 2017 për shkak të pamundësisë për të paguar borxhet bankare ndaj “Arbuthnot Latham”.

Edhe pse disa herë e ka shmangur drejtësinë, ai tashmë i ka thënë lamtumirë trofeve, medaljeve dhe gjësendeve të tjera me vlerë pasi që do të nxirren në ankand.

Gjermani humbi gati 100 milionë euro në investimet në një biznes të naftës në Nigeri. Një gjykatë në Londër i ka sekuestruar rreth 12 milionë euro pasi ish-tenisti shpalli falimentimin, por ajo u tërhoq shkaku se biondi kishte statusin diplomatik të atasheut kulturor të Republikës së Afrikës Qendrore në Bashkimin Evropian.

Megjithatë, ai më vonë hoqi dorë nga imuniteti diplomatik dhe procesi gjyqësor vazhdoi.

Pritet që në ankand të gjeni trofe të fituara në gjashtë turne të ndryshëm të Grand Slam, si dhe medalje, pajisje, veshje dhe më shumë gjësende me vlerë.

Lexo po ashtu Tenisti më i pasur në histori vjen nga Rumania: Ai ka 35 fëmijë dhe ka fituar vetëm një titull

Ndryshe, vlera e tyre thuhet se kap shifrat e 220 mijë eurove, megjithëse ata shpresojnë se do të fitojnë më shumë sepse artikujt e tillë rrallë gjenden në tregun e hapur. Ai do të mbahet më 11 korrik në shtëpinë e ankandeve Wyles Hardy & Co. /Telegrafi/