Legjenda e Liverpoolit, Fowler: Werner nuk përshtatet në skuadrën e Kloppit

Legjenda e Liverpoolit, Robbie Fowler ka thënë se Timo Werner nuk do të përshtatej në skuadrën e Jurgen Kloppit, derisa lojtari është afër kalimit te Chelsea.

Goal.com ka raportuar se The Blues kanë arritur marrëveshje me Rasenball Sport Leipzig për transferimin e sulmuesit gjerman për 60 milionë euro.

Werner do të përfitojë dhjetë milionë euro në sezon te Chelsea, derisa The Reds ishin duke i prirë garës, mirëpo Fowler beson e ai nuk do të përshtatej në strategjitë e Kloppit.

“I kam dëgjuar zërat në lidhje me të ardhmen e Timo Wernerit, por unë nuk jam fans i madh i lojës së tij”, ka thënë legjenda e Liverpoolit për The Mirror.

“E kuptoj se është një talent i madh, ka momentin e tij të shkëlqimit. Nuk mendoj se do të përshtatej te Liverpooli”.

“Nëse kalon në këtë verë te Chelsea, atëherë në fund të edicionit të ri që po vije, do të kem mendimin tim më real rreth lojës së tij”, ka thënë Fowler.

Werner besohet që shumë shpejtë do të prezantohet në fanellën e skuadrës londineze, derisa pritet të udhëheq sulmin e tyre së bashku me Tammy Abrahamin. /Telegrafi/