Legjenda e klubit këshillon Arsenalin: Mbajeni edhe një vit Aubameyangun dhe pastaj lirojeni falas

Legjenda e Arsenalit , Paul Merson beson se është më mirë ta mbash Pierre-Emerick Aubameyang edhe për një vit dhe ta humbasësh atë falas.

Topçinjtë kanë një dilemë të madhe gjatë verës, pasi për yllin e tyre ka oferta të rëndësishme.

Nëse Aubameyang nuk rinovon kontratën e tij, kjo do të thotë se ai do të largohet falas pasi është në vitin e fundit në marrëveshjen e tij.

Lexo po ashtu Barcelona konfirmon se e do Aubameyangun, Eric Abidal e sheh si lojtar të rëndësishëm dhe vendimtar

Merson mendon se është në rregull, pasi ai mund t’i ndihmojë ata të futen në Ligën e Kampionëve sezonin e ardhshëm dhe të largohet si lojtari i lirë pastaj.

“Mendova se Pierre-Emerick Aubameyang do të ishte rreth 31, 32 vjeç kur ai të largohej, dhe nëse unë do të isha te Arsenali, do ta mbaja atë”, ka thënë fillimisht Merson.

Lexo po ashtu Arteta nuk i dëshiron në klub, Arsenali gati t’i shes tre lojtarët kryesor të skuadrës

“Unë do ta mbaja atë dhe do të thosha, ju e dini se çfarë të bëni, jepeni atë që mundeni vitin e ardhshëm dhe të na futni në Ligën e Kampionëve dhe ju mund të shkoni falas”.

“Është e vështirë të blesh gola, dhe ai është një shënues natyror”, përfundoi legjenda e londinezëve. /Telegrafi/