Ai është njëri prej artistëve më të pëlqyer të të gjitha kohërave, i cili po vazhdon të jetë çdo herë e më shumë në qendër të vëmendjes edhe në ditët e sotme.
Fjala është për reperin e popullarizuar të skenës shqiptare, Ledri Vula, gjersa rrëmbeu vëmendje të madhe këtë kohë edhe në rrjetet sociale, gjë që bëri të jetë cak i faqeve rozë.
Në fakt, kurreshtja më e madhe e fansave ishte që reperi fshiu të gjitha postimet në llogarinë e tij personale, Instagram, dhe për gjithë këtë natyrisht se ka një arsye.
Burime brenda Telegrafit tregojnë se reperi Vula së shpejti vjen me album të ri, të cilin e ka titulluar “X”.
Madje, sipas tyre, kjo është arsyeja edhe pse 33-vjeçari ka fshirë të gjitha postimet dhe ka nisur publikimin e disa prej videove të shkurtra nga këngët e tij të reja.
Se çfarë ka përgatitur vitin 2020 për fansat dhe mbarë publikun, presim të shohim gjatë ditëve në vijim.
Në katër videot e para që ka publikuar në Instagram, Ledri flet për jetën në rrjetet sociale që është mjaft ndryshe përtej reales, në të dytën flet për atë se si sot të gjithë mund të shprehën lirshëm, në videon e treta e ardhmja sipas tij nuk duket edhe aq premtuese, teksa në videon e katërt të publikuar sot (e diel), flet për një femër që thotë se nuk harron se qysh e ka bërë të ndjehet, përkundër se i harron fjalët që ia ka thënë.
Edhe pse në njërin prej teksteve e ardhmja e Ledrit nuk dukej aq premtuese, reperi e dëshmon që edhe këtë vit do godasë me projekte – siç di të bëjë më së miri. /Telegrafi/