Lampard shpreson që Werner e Havertz të shkëlqejnë më shumë se Hazard – por transferimet e shtrenjta kanë dështuar deri më tani te Chelsea

Frank Lampard është optimist se Timo Werner dhe Kai Havertz do të kenë sukses te Chelsea.

Dyshja gjermane arritën të gjenin rrjetën pa disa ndeshjeve në fitoren 4-0 në FA Cup kundër skuadrës nga liga e dytë, Morecambes.

Por, më shqetësuese është se forma e dy lojtarëve nuk po shkon duke u ngritur me The Blues që kanë paguar në total 145 milionë euro.

Lampard beson se Havertz dhe Werner do të kenë më shumë suksese se sa kishte Eden Hazard që aktualisht luan te Real Madridi.

“Njerëzit që i pyesin ata duhet të shikojnë lojtarët e tjerë kryesorë që kanë ardhur në moshë të re në këtë vend”, ka thënë Lampard për talkSPORT.

“Eden Hazard është një shembull i shkëlqyeshëm. Ai erdhi këtu dhe u bë një nga lojtarët tanë më të mëdhenj”.

“Nuk është një tranzicion i lehtë në këtë kampionat. Është një ligë e vështirë dhe mendoj se njerëzit që i vënë në dyshim duhet t’u japin kohë sepse ata janë djem të shkëlqyeshëm dhe ne i transferuam për tani dhe për të ardhmen”.

“Unë i kuptoj pyetjet pasi është bota në të cilën jetojmë. Ata do të provojnë të jenë lojtarë të mëdhenj për klubin”, ka shtuar më tej strategu i The Blues.

Por, derisa Lampard shpreson që Werner dhe Havertz të zhvillohen në suksese të stilit Hazard, Chelsea me siguri ka pasur pjesën e duhur të dështimeve të shtrenjta gjatë epokës Roman Abramovich.

Më poshtë mund t’i shikoni transferimet e dështuara të bluve ndër vite:

ANDRIY SHEVCHENKO

Transferuar nga AC Milan në 2006, 30 milionë funte

FERNANDO TORRES

Transferuar nga Liverpool në 2011, 50 milionë

SHAUN WRIGHT-Philips

Transferuar nga Manchester City në 2005, 21 milionë

ADRIAN MUTU

Transferuar nga Parma në 2003, 15.8 milionë

JUAN SEBASTIAN VERON

Transferuar nga Manchester United në 2003, 15 milionë

KEPA ARRIZBALAGA

Transferuar nga Athletic Bilbao në 2018, 72 milionë

TIEMOUE BAKAYOKO

Transferuar nga Monaco në 2017, 40 milionë

ALVARO MORATA

Transferuar nga Real Madrid në 2017, 60 milionë

YURI ZHIRKOV

Transferuar nga CSKA Moska në 2009, 18 milionë

DANNY DRINKWATER

Transferuar nga  Leicester City në 2017, 35 milionë funte. /Telegrafi/