Ky stil rripi ka pushtuar zonjat e famshme

Nëse e merrni një herë, do të jetë aleati juaj tani dhe përgjithmonë në të cilin do të shkëlqeni

Të famshmet magjepsen nga kjo pjesë e përjetshme, e cila të lë përshtypje pozitive kudo që të shfaqeni.

Tashmë kemi folur për trendët që kanë çmendur botën e njerëzve të famshëm dhe mes tyre sigurisht që nuk mungojnë edhe “rripat e guximshëm”.

Tani pikërisht ky është fokusi ynë, një pjesë që mund të bëjë vërtet ndryshim kur bëhet fjalë për ngritjen e stilit në një nivel më të lartë, transmeton Telegrafi.

Rripat e mëdhenj, të kompletuar me një karficë të madhe që të lë më shumë përshtypje, janë një hit i vërtetë mes të famshmeve dhe shpeshherë janë një objektiv i vazhdueshëm i të gjitha zonjave që njohin modën dhe kanë një instinkt shumë të fortë të modës.

Shpesh pamja e rripit është praktike, por falë Zotit që koha ka kaluar, ndaj estetika duhet të jetë e para kur zgjedh këtë lloj modeli.

Së fundmi këtij trendi i është bashkuar edhe aktorja Cate Blanchett, e cila ka zgjedhur një kostum kamoshi që i ngjante xhinsit dhe ishte në stil safari. E gjithë dukja nuk do të dukej aq e përsosur pa rripin e saj, i cili la një përshtypje të mrekullueshme tek të gjithë rreth saj, duke i dhënë pamjes së frymëzuar nga retro-ja edhe më shumë tërheqje nostalgjike.

Përveç personazheve të njohur, popullaritetin e këtij aksesori e dhanë marka si Miu Miu, Prada, Khaite dhe Schiaparelli, aleatet kryesore në pistë. Stilistët e modës së rrugës dhe influencuesit gjithashtu nuk ishin imunë ndaj këtij lloj aksesori.

Ajo që është magjepsëse për këtë rrip është se, si çdo tjetër, nuk del kurrë nga moda, pavarësisht se duket më i madh. Lëreni rripin të jetë aleati juaj i stilit në sezonin e ardhshëm të vjeshtës dhe përgjithmonë. /Telegrafi/