Ky është dallimi i madh mes lagjeve të varfërve dhe të pasurve në Afrikën e Jugut (Foto/Video)

Për projektin e tij të ri “Skenat e pabarabarta”, fotografi Johnny Miller që vepron dhe punon në Cape Toën, ka përdorur një dron për t’i treguar botës se pabarazia ekziston në Republikën e Afrikës së Jugut.

“Mospërputhjet lidhur me atë se si jetojnë njerëzit, nganjëherë është vështirë të vërehet apo shihet nga toka. Bukuria e të qenit në gjendje të fluturoni është të shikoni gjërat nga një perspektivë e re – të shikoni gjërat ashtu siç janë me të vërtetë. Nëse shikoni nga një lartësi disa qindra metra në drejtim të tokës, do të shfaqen skena të pabesueshme të pabarazisë”, ka deklaruar fotografi Miller.

Ai beson se disa prej komuniteteve thjesht “janë projektuar të ndahen në mendje”, derisa disa tjerë “të ndahen në mënyrë organike”.

E gjithë kjo ka ndodhur si rezultat i politikave të aparteidit, ku ndarja raciale është zbatuar me ligj. Dhe derisa këto politika ishin eliminuar 22 vjet më parë, në realitet “shumë nga këto pengesa dhe pabarazi të shkaktuara, vazhdojnë të ekzistojnë”. /Telegrafi/