KV Fushë Kosova shpallet klubi më i mirë sportiv i qytetit për vitin 2023

Klubi i Volejbollit Fushë Kosova është shpallur si klubi më i mirë i vitit 2023 në Komunën e Fushë Kosovës, pas sukseseve të një pas njëshme.

Me një paraqitje të jashtëzakonshme në fushën e lojës, KV Fushë Kosova ka rrugëtuar suksesshëm në kampionatin kosovar.

Një fushatë e pandërprerë e suksesit ka karakterizuar këtë klub gjatë sezonit 2023, duke fituar ndeshje kritike dhe duke treguar dominim në shumicën e takimeve.

Lojtaret e KV Fushë Kosovës janë shquar me aftësi teknike të jashtëzakonshme, bashkëpunim të shkëlqyeshëm në parket, dhe një vullnet të pamposhtur për të fituar.

Sivjet KV Fushë Kosova ka pasur edhe një arritje historike për klubin, duke luajtur edhe në finale të Kupës së Kosovës.

Klubi sivjet u paraqit edhe në Ligën Unike mes Kosovës e Shqipërisë.

Trajneri dhe stafit teknik kanë luajtur një rol kyç në suksesin e klubit, përvoja e tyre ka ndihmuar në zhvillimin e talentit të rinj dhe në krijimin e një atmosfere fituese në skuadër.

Fansat e KV Fushë Kosova kanë qenë një forcë e madhe përkrahëse për ekipin gjatë gjithë këtij rrugëtimi, duke krijuar një atmosferë impozante në palestër dhe duke shpërndarë dashuri për klubin. Kontributi i tyre ka qenë i pashmangshëm në krijimin e një klimë pozitive për lojtaret dhe stafin.

Pas pranimit të çmimit nga Komuna e Fushë Kosovës, kryetari i klubit Artan Ramaj e falënderoi Komunën për vlerësimin dhe çmimin, duke thënë se është nder dhe krenari që të bartin ”shiritin” e ekipit më të suksesshëm të qytetit.

Pas pranimit të çmimit, Ramaj falënderoi në veçanti sponsorët e klubit në rrugëtimin e tyre me plotë sfida e që sipas tij janë prej më meritorëve në arritjet e tyre, ngase vazhdimisht kanë mbështetur klubin maksimalisht në arritjen e objektivave. /Telegrafi/