Kushtet e Tyson Furyt për t’u rikthyer nga pensionimi dhe të përballet me Joshuan

Tyson Fury ka pohuar se është i gatshëm të luftojë pa asnjë cent me Anthony Joshuan – javë pasi kërkoi 500 milionë funte për të dalë nga pensioni.

Gypsy King këmbëngul se i ka varur dorezat përgjithmonë pasi mbrojti me sukses titullin e tij botëror në peshën e rëndë kundër Dillian Ëhyte në prill. Por, ai nuk ka në plan të heqë dorë nga rripi i tij dhe pretendon se mund ta mbajë atë për 12 muaj pa kaluar nëpër ring.

Dhe me Joshuan që do të përballet me Oleksandr Usyk në ndeshjen e tyre të titullit botëror muajin e ardhshëm, Fury tani ka pohuar se do të ishte i gatshëm të përballej me kolegun e tij britanik – nëse biletat janë falas dhe nëse meçi transmetohet në televizion pa pagesë.

Lexo po ashtu Tyson Fury i nervozuar jashtë mase me Anthony Joshuan, e quan madje edhe "divë"

Duke folur në pjesën e fundit të turneut të tij mbarëkombëtar mbrëmë, Fury tha: “Ka të bëjë me paratë, zoti biznesmen; ai nuk është një njeri luftarak. Betohem në Zot se shpresoj që ai të fitojë luftën kundër Usyk në mënyrë që unë të mund të dal nga pensioni dhe ta luftoj atë gratis. Megjithatë, kushtet janë këto: Unë e dua në stadiumin Wembley, dua që hyrja të jetë falas dhe dua të transmetohet pa pagesë në televizion në këtë vend. Do ta luftoj në Angli, jo jashtë në një vend të huaj për më shumë para; këtu falas për njerëzit”.

Fury ka bindur pak njerëz për pensionimin e tij, me gruan e tij Paris dhe babanë John, mes atyre që presin që ai të kthehet në ring. Dhe promovuesi i tij Frank Warren gjithashtu pret që boksieri gjigant të luftojë.

“Kur isha i ri, kjo ishte ajo që më ktheu në boks – të shikoja Muhamed Aliun. Ai ishte i pabesueshëm”, deklaroi Ëarren për The Telegraph. “Një sportist i pabesueshëm, të gjitha gjërat që nuk i kishit parë kurrë më parë në sport: i zhurmshëm, i guximshëm dhe më e rëndësishmja, ai mund të luftonte”.

Lexo po ashtu Hearn zbulon muajin se kur mund të përballen Joshua dhe Fury në super meçin e dekadës

“Gjithçka ishte e pabesueshme, dhe unë pata fatin ta takova kur ai erdhi në Britaninë e Madhe kur unë isha fëmijë, nëpërmjet xhaxhait tim. E takova disa herë. Dhe Tyson Fury është gjëja më e afërt që kemi pasur me Aliun në kategorinë e peshave të rënda. Tyson është një njeri luftarak. Dhe unë ndjej në zemrën e tij se ai do të luftojë përsëri”, ka shtuar më tej ai.

Fury muajin e kaluar dyfishoi kërkesën e tij për pension duke këmbëngulur se do të duhej një shumë astronomike për ta joshur atë në kampin stërvitor. “Unë ndoshta do të doja një gjysmë faturë për të dalë nga pensioni”, tha ai. “Po ju them të vërtetën, nëse doni që unë të dalë nga pensionimi, do të kushtojë gjysmë faturë”. /Telegrafi/