Kryeministri Conte: Italia ka nevojë për kufizime të reja për të shmangur valën e tretë të COVID-19, që do të ishte shkatërruese

Qeveria e Italisë do të duhet të vendosë kufizime të reja gjatë sezonit të festave për të frenuar ngjitjen dhe për të shmangur një valë të tretë, shkatërruese të coronavirusit, ka thënë kryeministri në një intervistë të botuar të martën.

“Më tej, tani nevojiten kufizime të reja… ne duhet të shmangim me çdo kusht një valë të tretë, sepse kjo do të ishte shkatërruese, gjithashtu nga pikëpamja e humbjes së jetëve”, citohet të ketë thënë Giuseppe Conte për La Stampa, përcjell Telegrafi.

Dhe sipas Reuters, Qeveria e koalicionit të Conte po konsideron rregulla më të rrepta në mbarë vendin për festat e Krishtlindjeve dhe Vitit të Ri pasi turmat u dyndën në qendrat e qyteteve gjatë fundjavës menjëherë pasi Roma kishte zbutur disa kufizime të vendosura muajin e kaluar.

Italia është kombi evropian me numrin më të lartë të vdekjeve, me më shumë se 65,000 njerëz që vdiqën që nga shpërthimi në shkurt.

Conte ka thënë gjithashtu se një fushatë vaksinimi do të duhej të synonte rreth 10 milionë deri në 15 milionë njerëz në mënyrë që të “kishte një ndikim efektiv në imunitetin” dhe se një qëllim i tillë do të arrihej në fund të pranverës ose më së voni para verës. /Telegrafi/