KRRE ndikon me 32% në çmimin e energjisë elektrike, Bislimovski: Propozimi për uljen e TVSH-së është i yni

Pas paralajmërimit të opozitares OBRM-PDUKM në lidhje me propozimin për shtrenjtimin e energjisë elektrike prej 18 në 5% për ta lehtësuar tronditjen nga rritja e çmimit të rrymës elektrike, nga komisioni rregullator thonë se këtë propozim dhe ide e kanë dhënë pikërisht ata, para një kohe të caktuar.

Njeriu i parë i Komisionit rregullator tha se ky është propozim i tyre, megjithatë shteti me këtë do të pësojë humbje shumë të mëdha.

“Shtetin, në nivel vjetor, uljen prej 18 në 5% do ta kushtonte prej 27 milionë eurove deri në 28 milionë euro, përkatësisht, kaq do të humbte. Megjithatë, këtë e propozuam ne”, tha kryetari i KRRE-së, Marko Bislimovski.

Si ide, këtë masë e promovon OBRM-PDUKM-ja.

“Ne si parti politike, atë e paralajmëroi edhe lideri i partisë, Mickoski, edhe ne si deputetë të kësaj partie politike në Kuvend, kemi për qëllim që të propozojmë ulje të TVSH-së së energjisë elektrike, që do të thoshte lehtësim për qytetarët dhe kompanitë, përkatësisht kjo do të ishte edhe një mënyrë për ta absorbuar këtë tronditje të cilën fatkeqësisht Qeveria jonë, dhe një pjesë e ndërmarrjeve publike të cilat kanë kompetenca në këtë sferë, nuk kishin kapacitet që ta absorbojnë me kohë”, tha Timço Mucunski nga OBRM-PDUKM-ja.

Kryetari i KRRE-së, Bislimovski bën me dije se kompanitë i kanë dorëzuar propozimet për rritje të çmimit për shpenzimet, amortizimin, përfitimin, furnizimin e energjisë elektrike.

Mbetet që Komisioni Rregullator t’i shqyrtojë kërkesat dhe deri në fund të qershorit të marrë vendim nëse do të ketë shtrenjtësim të rrymës. Por, duke pasur parasysh se trupi rregullator ndikon vetëm 38%, kurse nuk ndikon 62%, është gjithnjë e më e sigurt se çmimi i rrymës do të rritet për së paku 5%, kurse shtrenjtësimi do të vlejë nga 1 gushti.

Vendimi përfundimtar, sipas Bislimovskit do të varet nga çmimi të cilin do ta propozojë ESM-ja në tenderin e ardhshëm që do të hapet në gjysmën e dytë të qershorit. Sa për krahasim, Maqedonia e Veriut me 4.81 denarë ka çmim më të ulët të rrymës në rajon, pas Kosovës – 3.7 dhe Serbisë me 4.7 denarë.

Vendimi i fundit për shtrenjtësim të rrymës ishte sjellë vitin e kaluar, kur ishte shënuar rritje të çmimit të energjia elektrike për 7.4%./TV21/