Kroos zbulon se çfarë e ndaloi Rudigerin ‘ta përplaste’ Ramosin

Mesfushori i Real Madridit, Toni Kroos ka lavdëruar Antonio Rudiger për përplasjen që kishte me Sergio Ramos.

Los Blancos barazuan 1-1 në fundjavë e kaluar me Sevillan dhe ish-kapiteni i madrilenëve ishte natyrisht në qendër të vëmendjes, madje duke realizuar një konfrontim të ashpër me gjermanin.

Por, gjatë podcastit të tij ‘Einfach mal luppen’, siç transmetohet nga Diario AS, Kroos shpjegoi se gjërat do të ishin bërë shumë më të shëmtuara nëse nuk do të ishte që Rudiger të përdorte kokën e tij (të reagonte më qetë).

Lexo po ashtu Mësohet se çfarë i thanë njëri – tjetrit Ramos dhe Rudiger gjatë përplasjes që kishin në ndeshjen Sevilla – Real Madrid

“Sergio pikturoi një buzëqeshje në fytyrën e tij. Gjërat u nxehën. Sa për Antonion, më duhet të them: ‘Heqje kapele'”, ka thënë fillimisht mesfushori gjerman.

“Ai ishte një hap larg pezullimit dhe fundjavën tjetër do mungonte në El Clasico, që do të thoshte në atë moment se ai nuk mund të bënte rrëmujë. Kjo ishte ndoshta ajo që e ngadalësoi disi. Përndryshe, do të kishte qenë edhe më argëtuese”.

Nëse Rudiger do të ishte suspenduar, Carlo Ancelotti do të kishte rënë në dy qendërmbrojtës në Nacho Fernandez dhe David Alaba. Gjermani ka qenë i gjithëpranishëm këtë sezon për Los Blancos që kur Eder Militao u lëndua. /Telegrafi/