Kriza energjetike, Von der Leyen bën thirrje për kursim të rrymës

Kriza energjetike në të gjithë botën për shkak të thatësirës dhe luftës në Ukrainë nga reduktimi i gazit rus, ka bërë që të gjitha shtetet të dalin me plane dhe thirrje për qytetarët për të kursyer sa më shumë përdorimin e rrymës.

Kryetarja e Komisionit Evropian, Ursula von der Leyen tha se BE po punon për gjetjen e mënyrave inteligjente për të kursyer energji.

Sipas saj ngritja me vetëm 1 gradë e kondicionerit mund të kursejë energjinë deri në 7 për qind në vit.

“Në të gjithë BE-në po prezantohen mënyra të zgjuara dhe efikase për të kursyer energji. Temperaturat pak më të larta për kondicionerin, për shembull, sjellin rezultate mbresëlënëse. Është mirë që disa shtetet anëtare po përfshijnë masa të tilla në planet e tyre. Së bashku, ne kursejmë energji për një dimër të sigurt. Rritja e temperaturës së kondicionerit në shtëpi me vetëm 1°C mund të kursejë rreth 7 për qind në përdorimin e energjisë gjatë një viti. Edhe Komisioni Evropian po kursen energji gjithashtu, sipas Strategjisë së saj të Gjelbërimit”, shkruan Von Der Leyen në Twitter.

The @EU_Commission is saving energy too, under its Greening Strategy.

For example, we are switching off heating and cooling in most buildings 1h earlier than before, saving 3% of our annual energy use.

We also close some buildings for the summer and facilitate remote working. pic.twitter.com/tofUCQc4DT

— Ursula von der Leyen (@vonderleyen) August 17, 2022

Aktualisht Kosova po përballet me reduktime të planifikuara të rrymës, me 2 orë nga çdo 6 orë.

Çmimi i energjisë në treg për shkak të krizës ka arritur në shifra rekord ku ditën e sotme 1MWh shitet për 590 euro në bursën energjetike HUPX. /Telegrafi/