Kraniosinostoza: Kur koka e foshnjës rritet në mënyrë jonormale

Për çfarë shkaku shfaqet, si ta identifikojmë këtë problem dhe si duket terapia.

Kraniosinostoza në të vërtetë është defekt i cili mund të shfaqet që në stomakun e nënës ku herët mbyllen tegelat midis eshtrave të kokës së bebes. Për shkak të kësaj mund të shfaqen deformime të ndryshme të kokës.

Shkaktarët

Ky çrregullim mund të jetë gjenetik, por edhe pasojë e shprehive të ndryshme jetësore gjatë shtatzënisë, si p.sh. pirja e duhanit. Faktorët kryesorë janë edhe shumë sëmundje metabolike.

Simptomat

Disa kraniosinostoza nuk shkaktojnë çrregullim të zhvillimit të trurit, por mund të jenë të dukshme gjatë lindjes (dukje specifike e kokës). Disa prej këtyre deformimeve të kokës mund t’i përkufizojnë edhe rritjen e trurit dhe t’i shkaktojë çrregullime neurologjike, transmeton Telegrafi.

Komplikimi më i shpeshtë është hipertensioni intrakranial. Nga komplikimet e tjera mund të shfaqen edhe strabizmi dhe atrofia e nervit të të parit. Kraniosinostoza sagitale (përpjesëtimi i kokës është i rritur në pozitën e parë dhe të dytë, ndërsa ai anësor është i zvogëluar). Kraniosinostoza koronare (koka e zgjeruar anash).

Diagnoza

Prindërit pas lindjes, ose pak më vonë mund të vërejnë mbylljen e hershme të fontaneles së madhe dhe formën e pazakonshme të kokës. Shpesh shfaqet edhe prania e trarit kockor. Natyrisht që ato janë shenja të cilat me rastin e kontrollimeve të para i vëren mjeku. Duhet bërë diagnostikim e kokës me rëntgen dhe, sipas nevojës, edhe CT-në e kokës.

Terapia

Terapia më e shpeshtë është kirurgjike (në kuptimin të vetëm të përmirësimit estetik) apo në kuptimin e pengimit të komplikimeve të presionit intrakranial dhe të dëmtimit të të parit dhe të të dëgjuarit. /Telegrafi/