Kontrata 10-vjeçare e yllit të NFL, Patrick Mahomes, arrin në të njëjtën shumë sa vlera neto e Ronaldos

Patrick Mahomes i Kansas City Chiefs është në vitin e tij të dytë të një kontrate që është e barabartë me të gjithë vlerën neto të Cristiano Ronaldos.

Marrëveshja dhjetëvjeçare e qendërmbrojtësit, e cila iu dorëzua në vitin 2020, vlen 380 milionë euro, ndërsa vlera neto e sulmuesit të Manchester United arrin në të njëjtën shumë.

Mahomes, në moshën 26-vjeçare, bëri një arritje historike, pasi iu dorëzua kontrata më e madhe sportive në histori.

Në vitin 2018, Mahomes e përfundoi sezonin e parë me 5,097 jard të realizuara dhe 50 goditje, ndërsa fitoi çmimin e lojtarit më të vlefshëm të ligës.

Për Ronaldon, ai iu bashkua Unitedit gjatë verës dhe është me një pagë mjaft të konsiderueshme prej 480,000 euro në javë. Kjo do të thotë se të ardhurat e tij vjetore janë deri në 25 milionë euro.

Sigurisht, Ronaldo është një figurë fitimprurëse. Pesë herë fituesi i Topit të Artë ka 95.4 milionë ndjekës në Twitter dhe rreth 366 milionë ndjekës në Instagram.

Gazeta spanjolle Marca raporton se portugezi ka arritur gjithashtu marrëveshje me Altice, Herbalife, DAZN, MTG, Clear Shampoo, Abbott dhe Unilever, gjatë karrierës së tij. Kjo ka rritur të ardhurat e tij vjetore me 35 milionë euro të tjera.

Ronaldo ka shumë sipërmarrje të tjera. Ai ka zinxhirin e tij të hoteleve që drejtohet nga grupi Pestana CR7, në Funchal dhe Lisbonë.

Në vitin 2019, ai hapi një klinikë për transplant flokësh në Marbella në bregun jugor të Spanjës. Ai gjithashtu ka 10 të tjera në Portugali dhe një në Madrid, duke fituar 85 milionë euro shtesë në vit. /Telegrafi/