Konstadinov: Ivanovi ndalon emërimet e ambasadorëve duke i bërë dëm Maqedonisë

Përderisa Maqedonia përparon në integrimet euro atlantike, me politikë të jashtme të suksesshme, Gjorgje Ivanovi e ndalon zhvillimin e diplomacisë së Maqedonisë.

Për shkak të sjelljeve të papërgjegjshme dhe jo serioze të Gjorgje Ivanovit, 20 ambasada të Maqedonisë mbarë botën ngelen pa ambasadorë.

Londra, Brukseli, Roma, Stokholmi, misionet pranë OSBE-së në New York, Zheneva dhe Viena janë disa nga konsullatat diplomatike që nuk kanë ambasdaor, përcjell Telegrafi Maqedoni.

Ky bllokim për mos emërimin e ambasadorëve është edhe një fakt se Ivanovi punon në kundërshtim me interesat e qytetarëve dhe i bën dëm Maqedonisë.

Kryetari i Shtetit vepron vetëm kur duhet të legalizohet kriminaliteti i 11 viteve qeverisje, të amnestojë kriminela, dhe të bllokoj reformat që janë në interes të qytetarëve dhe vendit, Ivanovi e bllokon të ardhmen e Maqedonisë

Për vetëm një vit Maqedonia bëri hapa të mëdhej. Nga “shtet të kapur” me politika reale qeverisëse e udhëhequr nga LSDM-ja, bashkërisht me qytetarët arritëm të kthehemi në rrugën e duhur, në rrugët euroatlantike.

Vendimi i BE-së që Maqedonia të fillojë bisedimet në qershor të vitit 2019 është vërtetim i kësaj./Telegrafi/