Konkurrencë e ashpër nga Liga Premier, dy klubet që e duan Mourinhon

Ish-trajneri i Chelseat dhe Manchester United, Jose Mourinho, është shkarkuar nga Roma pas humbjes 3-1 ndaj Milanit në Serie A gjatë fundjavës.

Italianët njoftuan të martën në mëngjes se ish-trajneri i Interit dhe i Portos – i cili i udhëhoqi ata në finalen e Ligës së Evropës sezonin e kaluar – do të largohet nga klubi “me efekt të menjëhershëm”.

Humbja ndaj Milanit të dielën bëri që Roma të zbriste në vendin e nëntë në Serie A me ekipin që fitoi vetëm një nga pesë ndeshjet e fundit të ligës.

Lexo po ashtu Jo më Colwill në krahun e majtë: Dy mënyra se si Chelsea mund të rreshtohet nëse Mourinho zëvendëson Pochettinon

Me Eddie Howe nën një presion për rezultatet në Newcastle, ka raportime se Magpies kanë interes ‘konkret’ për të sjellë Mourinhon në St James’ Park.

Një artikull në Football Insider pohoi në fillim të këtij muaji se Special One kuptohet se është ‘shumë i etur për punën’ pasi Newcastle kërkon të ndjekë hapat e Man City dhe të arrijë ‘dominimin në botë’.

Mes interesimit nga Newcastle, Mourinho së fundmi zbuloi se kishte marrë oferta për t’u larguar nga Roma pasi fitoi Ligën e Konferencës së Evropës. /Telegrafi/