Konfirmon Skivi: Me Ledrin u takuam vërtet, gjithçka në të ardhmen mund të ndodhë

Një fotografi e publikuar gjatë ditës së premte në rrjetet sociale, ku shfaqeshin reperët Ledri Vula dhe Visar Shala (Skivi), duke biseduar, ka bërë që dyshja në fjalë të shndërrohen në temën e ditës.

Dikur, reperët në fjalë ishin ndër emrat më të suksesshme të estradës, që publikon projekte muzikore në një emër të quajtur “Skillz”.

Shumica e këngëve u shndërruan në hite, teksa ky grup ‘u shkri’ në “BabaStars” në vitin 2012, dhe u shpërbë tërësisht në po të njëjtin vit.

Më pas, Ledri dhe Skivi vazhduan karrierën individualisht për disa vite, por mesa duket nostalgjia e dikurshme, kanë bërë dy djelmoshat që mbase të shënojnë sërish një rikthim bashkë.

Lexo po ashtu Të gjitha lajmet nga Estrada Shqiptare

Nisur nga fotografia që i shfaqi ata sot të dy në një takim, Telegrafi vendosi të kontaktojë reperin Skivi, i cili ka konfirmuar se ai dhe Ledri zhvilluan një takim.

“Po, është e vërtetë që pati mes nesh një takim, ndodhi spontanisht, dhe nuk na e mori mendja se do të bëhej aq e madhe në media”, tha Skivi për Telegrafin.

I pyetur nëse këtë takim pas kaq vitesh, u diskutua për një ribashkim të mundshëm, dhe një rikthim të të dyve si “Skillz”, Visari tha se një gjë e tillë mund të ndodhë, por që mbetet të shihet me kohë.

“Për këtë pjesë, mbase mund të përgjigjemi më vonë, por gjithçka mund të ndodhë”, përfundoi Skivi për Telegrafin.

https://www.instagram.com/p/Bn3wSjXnX6G/

“Skillz” janë formuar si grup shumë pak vite pas luftës në Kosovë, ndërsa ndër vite kanë sjellë këngë, të cilat kanë qenë shumë të suksesshme.

Disa nga këngët e tyre më të njohura janë: “1 milion”, “Ah…femrat”, “VIP”, “Ndaloje vrapin”, e shumë të tjera.

Si grup, ata nuk kanë mbetur të pa shpërblyer as me çmime nëpër festivale të ndryshme, duke kujtuar këtu çmimin “Best Hip Hop/RNB” në Top Fest 5, tre çmime dhe çmimin kryesor në “Videofestin Muzikor 2008”, si dhe shumë çmime tjera. /Telegrafi/

Disa nga këngët më të suksesshme të “Skillz”: