Konfirmohet lëndimi i rëndë i Marc Bernal, talenti 17-vjeçar do t’i mungojë gjatë Barcelonës

Trajneri i Barcelonës, Hansi Flick, tha pas fitores së tyre ndaj Rayo Vallecanos se ishte një ‘fitore e trishtueshme’ për shkak të një dëmtimi të vonë të Marc Bernal. Frika fillestare se Bernal kishte këputur ligamentin e tij të kryqëzuar të përparmë është konfirmuar, dhe diagnoza është edhe më e keqe nga sa mendohej fillimisht.

17-vjeçari po shijonte minutat e tij të para në futbollin e të moshuarve dhe po bënte përshtypje për trajnerin Flick, duke filluar të tre ndeshjet e Barcelonës këtë sezon deri më tani.

Megjithatë, një duel me Isi Palazon të martën mbrëma e pa atë të largohej i lënduar nga fusha e blertë.

Sot (e mërkurë), faqja zyrtare e Barcelonës ka konfirmuar lëndimin e rëndë të talentit 17-vjeçar.

❗INJURY NEWS

Tests carried out on Wednesday have shown that the player Marc Bernal has a ruptured anterior cruciate ligament in his left knee and an associated injury to the lateral meniscus. pic.twitter.com/193Fp0zyHI

— FC Barcelona (@FCBarcelona) August 28, 2024

“Testet e kryera të mërkurën kanë treguar se lojtari Marc Bernal ka një këputje të ligamentit të kryqëzuar të përparmë në gjurin e majtë dhe një dëmtim të shoqëruar në meniskun anësor”, thuhet në njoftim.

Sipas TV3, lëndimi i dyfishtë i Bernal e ka bërë shumë më të komplikuar rikuperimin dhe potencialisht duke kërkuar dy operacione.

Sipas të gjitha gjasave, ajo rrit kohën e tij të rikuperimit nga 7-9 muaj në 11-12 muaj. /Telegrafi/