Koncepti timoni i GM duket si një tastierë dore

General Motors Design ka prezantuar një koncept të timonit që shumë do të thonë se duket më shumë si një tastierë lojërash me dorë.

Duke folur teknikisht, nuk është një timon klasik “i rrumbullakët”, por një koncept që i ngjan tastierave të dorës si Nintendo Switch, por me kontrolle të mbështjella me lëkurë. Por ky dizajn mund të nënkuptojë të ardhmen e timonit ku sistemet autonome do të kryejnë pjesën më të madhe të veprimit ndërsa shoferi do të luajë vetëm një rol të vogël.

Dizajni i konceptit u postua në profilin zyrtar në Instagram të General Motors Design Studio, që do të thotë se nuk do ta shohim në makina të vërteta së shpejti. Sidoqoftë, ajo ofron një ide interesante se ku po shkon timoni.

Deri më tani, ne kemi parë shumë koncept për vetura sportive të ngjashme me atë në Model S, si dhe ato që gjenden në aeroplanë. Të gjithë ata kanë një dizajn minimalist.

Në Instagram nuk shpjegohet se si do të funksiononte timoni, por disa gjëra janë të dukshme. Një ekran me prekje që mund të përdoret për të kthyer rrotat e përparme dhe kontrollet haptike për të zgjedhur ingranazhet në të majtë gjithashtu nënkuptojnë atë drejtim.

Në të djathtë mund të shihni kontrollet që ndoshta përdoren për të zgjedhur artikujt në ekran, por mund të ketë edhe një buton përshpejtimi. Me funksionin e frenimit në të majtë, nxitimi në të djathtë ka kuptim. Kjo do të thotë që vetura mund të kontrollohet plotësisht nga timoni.

Janë treguar dy versione të timonit, njëri në modalitetin autonom me një ekran futuristik dhe tjetri me “modalitetin njerëzor”.

Edhe pse mund të supozohet se është një veturë elektrike, timoni ende tregon lexime për temperaturën dhe vajin, por jo për gjendjen e rezervuarit.

Për shkak të ekranit në timon, nuk ka vend për një airbag, por duhet të kihet parasysh se ky është një koncept dhe se standardet normale ndonjëherë nuk zbatohen në raste të tilla. /Telegrafi/

View this post on Instagram

A post shared by GM Design (@generalmotorsdesign)