LAJMI I FUNDIT:
Prizreni 7° partlycloudy_day

Komuna e Dragashit formon Shtabin Emergjent dhe Komisionin për vlerësimin e dëmeve

Komuna e Dragashit formon Shtabin Emergjent dhe Komisionin për vlerësimin e dëmeve

Qeveria komunale e Dragashit ka marrë vendim për formimin e Shtabit emergjent si dhe të Komisionit komunal për vlerësimin e dëmëve të shkaktuara nga vërshimet e fundit. Ky vendim, sipas njoftimit të Komunës, është marrë në mbledhjen urgjente të Ekzekutivit, ku është diskutuar lidhur me masat e ndërmarra pas gjendjes së krijuar nga vërshimet.

Bazuar në njoftimin e Komunës, vlerësimi i dëmeve nga vërshimet prej komisionit përkatës do të bëhet për ekonomitë familjare, bizneset, sipërfaqet bujqësore dhe infrastrukturën publike.

Në këtë rrafsh i është bërë thirrje të gjithë qytetarëve që kanë pësuar dëme, që para se të fillojnë me sanimin e gjendjes, të bëjnë fotografi dhe video të cilat do të shërbejnë si dëshmi për tu prezantuar para Komisionit komunal për vlerësimin e dëmeve.


Krahas kësaj, qeveria lokale ka bërë thirrje që bashkë me qytetarët dhe bizneset private të cilat kanë pajisje teknike dhe mjete motorike të vazhdohet sanimi i dëmeve në terren.

“Apelohet tek të gjithë qytetarët e fshatrave të prekur nga vërshimet, sidomos banorët e fshatit Kuk dhe ato vendbanime ku vërshimet kanë dëmtuar në masë të madhe rrjetin e ujësjellësit dhe kanalizimit, që të mos përdoret uji për pije (ose të vlohet uji në rast të përdorimit për pije), derisa organet kompetente të bëjnë analizat dhe të vlerësojnë nivelin e ndotjes së ujit”, thuhet në njoftim.

Në të njëjtën kohë është theksuar se në amvisëritë ku uji ka depërtuar në dhoma apo bodrume dhe qytetarët nuk kanë mundësi që ta nxjerrin atëherë mund ta thirrin Shërbimin e Zjarrfikësve për ndihmë në këtë aspekt në numrin kontaktues 049 773 777.

Në takim krahas drejtuesve të pushtetit lokal, kanë marrë pjesë udhëheqësit e Shërbimit të Zjarrfikësve në Dragash, pastaj kryetari i Komisionit qendror për vlerësimin e dëmeve nga fatkeqësitë natyrore dhe fatkeqësitë e tjera si dhe drejtues të KRU “Hidro-regjioni Jugor” në Prizren. /Telegrafi/

Në trend

Më shumë
Egli - Gjestit: Nuk ke për të më pasur kurrë, nuk më meriton, banori: hiqmu pashë Zotin

Egli - Gjestit: Nuk ke për të më pasur kurrë, nuk më meriton, banori: hiqmu pashë Zotin

Magazina

"Kujt po ia dërgon këtë mesazh përjashta", Egli e tensionuar pasi Gjesti shkroi tekstin e këngës së re

Magazina
Shpërthimi i një prej dështimeve më të mëdha të të gjitha kohërave - ai po kalon një sezon të mrekullueshëm

Shpërthimi i një prej dështimeve më të mëdha të të gjitha kohërave - ai po kalon një sezon të mrekullueshëm

Ligue 1
Votimi nga diaspora në përfaqësitë diplomatike të Kosovës, KQZ jep detaje

Votimi nga diaspora në përfaqësitë diplomatike të Kosovës, KQZ jep detaje

Lajme
Trudeau paralajmëron: Trump nuk po bën shaka, ai dëshiron ta aneksojë Kanadanë

Trudeau paralajmëron: Trump nuk po bën shaka, ai dëshiron ta aneksojë Kanadanë

Amerika

"Ky është mesazh, buzëkuqi dhe varësja janë elemente specifike" – Egli - Gjestit: Ma thuaj për kë

Magazina
Kalo në kategori