Kompania “Pastrimi” fton qytetarët të paguajnë borxhet, në të kundërtën do të bëjë procedimin te Përmbaruesit Privat

Kompania Regjionale e Mbeturinave “Pastrimi” SH.A, njofton klientët që që do të bëjë procedimin e borxheve në procedurën përmbarimore tek Përmbaruesve Privat që nga sot me dt. 10.12.2024.

Në njoftim thuhet se “procedimi i borxheve do të bëhet për gjithë qytetarët, klientët e bizneseve dhe institucioneve përfshirë edhe institucionet publike të cilat kanë borxhe për faturat e mbeturinave ndaj kompanisë sonë”.

“Afati kohor i përmbushjes së obligimeve të klientëve për pagesë të faturës së mbeturinave është nga sot me dt. 10 Dhjetor 2024 deri me dt. 17 Dhjetor 2024 ora 16:00”, thuhet në njoftim.

Kompania “Pastrimi”, SH.A njëkohësisht njofton që për lehtësim të klientëve ofron mundësinë e marrëveshjes për riprogramim të borxheve.

“Ju bëjmë thirrje gjithë klientëve të Kompanisë “Pastrimi”, SH.A që të përmbushin obligimet e tyre që kanë ndaj kompanisë sonë sepse në rast të mos-pagesës së obligimeve (borxheve), ju njoftojmë që borxhet e pa paguara pas datës 17 Dhjetor 2024 do të procedohen tek Përmbaruesit Privat”, bëhet e ditur në njoftim./Telegrafi/