Koeman u vë një kusht mesfushorëve të Barcelonës para edicionit të ri

Ronald Koeman po përgatitet për sezonin 2021/22 dhe shpreson që Barcelona mund të përmirësojë atë që arriti gjatë vitit të tij të parë në krye.

Holandezi është duke kërkuar përmirësime në të gjithë fushën dhe u ka bërë thirrje specifikisht disa prej mesfushorëve të tij për të kontribuar me më shumë gola.

“Frenkie de Jong duhet të vazhdojë siç është pasi, pas sezonit të tij të parë, ai ka bërë një hap të madh përpara dhe ai ka më shumë përgjegjësi në ekip”, ka thënë strategu për bashkëkombësin e tij.

“Ai ka përmirësuar daljen përpara dhe ne do të vazhdojmë të punojmë që ai të bëhet edhe më i mirë. Si të gjithë mesfushorët, ai duhet të synojë të shënojë midis tre dhe gjashtë golave”.

“[Pedri], ndërkohë, kishte një Euro 2020 të shkëlqyer. Në vetëm 18 vjeç, pas sezonit që ai kishte, ai po luante me një pjekuri të madhe. Është me të vërtetë e mahnitshme”.

“Ai është akoma duke u përmirësuar dhe është një fëmijë i shkëlqyeshëm, i cili jeton për futbollin. Është turp për ne që ai do të shkojë në Olimpiadë, por ai e di që ne presim shumë prej tij dhe kemi besim tek ai dhe e di se ka një trajner i cili nuk ka frikë të mos u japë lojtarëve të rinj një shans”.

“Pedri ka luajtur shumë. Ne do të duhet t’i japim një pushim [pas Lojërave Olimpike]. Të gjithë kanë nevojë për të gjatë verës. Siç tha Pep Guardiola , të luash dy turne të rëndësishëm gjatë verës është shumë, por nuk mund të bëjmë çdo gjë”, ka shtuar më tej Koeman.

Holandezi ka vlerësuar edhe lojtarët me përvojë si Sergio Aguero dhe Memphis Depay që u transferuan në këtë verë te Barcelona si lojtar të lirë. /Telegrafi/