Klopp: Shaqiri e Keita janë futbollistë të rëndësishëm për ne

Liverpooli aktualisht gjendet për përgatitjet para sezonale në SHBA, ku edhe po luan takime miqësore.

The Reds tash e sa ditë gjenden përtej oqeanit Atlantik, por Naby Keita dhe Xherdan Shaqiri nuk kanë udhëtuar drejt shtetit amerikan shkaku i lëndimeve të mara më parë.

Trajneri gjerman, Jurgen Klopp ka pohuar se dyshja do të kthehen gjatë javës së ardhshme prej lëndimeve dhe se futbollistët janë shumë të rëndësishëm për ekipin.

“Kur të kthehemi, gjashtë lojtarë do të na bashkohen me ne. Naby Keita do të jetë gati që të stërvitet, Xherdan Shaqiri duhet të jetë gati për trajnime dhe pastaj shpresoj se do të jetë në gjendje të luajë. Ata janë lojtarë të rëndësishëm për ne”, ka pohuar strategu.

Theksojmë se në dy ndeshjet e fazës përgatitëse para sezonit të ri të kampionatit anglez, Liverpool ka humbur 1-0 nga Sevilla gjersa ka barazuar 2-2 me Sportigun.

Ndryshe, Shaqiri në sezonin e parë te kampionët e Evropës ka luajtur 24 ndeshje dha ka realizuar gjashtë gola në të gjitha garat. /Telegrafi/