Kim Kardashian merr vëmendje me dukjen plot stil, teksa mban një çantë të rrallë nga ‘Brikin’ me vlerë mbi 200 mijë euro

Kim Kardashian zgjodhi një pamje shumë elegant teksa ndoqi ndeshjen e futbollit Al Nassr kundër Paris Saint-Germain në Osaka, Japoni.

Ylli televiziv, 42 vjeç, mori vëmendje për një detaj me veçanti në veshjen e saj, pasi ajo mbante një çantë dore ‘Hermes Birkin’ me një çmim që varionte nga 150,000 (136.4 mijë euro) deri në 600,000 dollarë (545.6 mijë euro), në varësi të gjendjes dhe printimit.

Çanta e veçantë e Kimit dukej e ngjashme në stil me një krokodili të bardhë mat Diamond Himalaya Niloticus Birkin 30, i cili u shit për 300,168 dollarë ( 272,962 euro), duke e bërë atë çantën më të shtrenjtë të shitur në ankand në 2014.

Themeluesja e “SKIMS” e kombinoi atë me një bluzë të bardhë të ngushtë dhe pantallona gjithashtu të bardha dhe gri.

Nëna e katër fëmijëve i shtoi pamjes një ngjyrë me anë të këpucëve me taka të kaltra.

Kim nuk është e vetmja anëtare e familjes Kardashian-Jenner me çantën unike, shkruan DailyMail.

Gjysmë motra e saj më e vogël Kylie Jenner, 25 vjeç, dhe nëna e saj Kris Jenner, 67 vjeç, janë parë gjithashtu me modele të ngjashme.

Ekspertët nga tregu i nivelit të lartë të tregtisë elektronike i thanë më parë “Vogue” se “Birkin Himalayan” mund të jetë çanta më e rrallë në botë.

“Diamanti 30 centimetra Himalayan Birkin është ndoshta çanta e dorës më e rrallë dhe më e dëshirueshme në botë”, duke shtuar se çanta i ofrohet vetëm “një klienti VIP shumë të respektuar”.

Kim është bërë një mysafir i shpeshtë në lojërat e futbollit pasi djali i saj Saint West, shtatë vjeç – të cilin e ndan me ish-bashkëshortin Kanye West – është një fans i madh.

Një ditë më parë, ajo ndau disa foto me Saint West nga ndeshja e Paris Saint-Germain.

Ajo e dokumentoi ditën në Instagram – duke përfshirë një ‘selfie’ me futbollistin brazilian Neymar.

Saint mbante një fanellë të Neymarit ndërsa ekipi i tij PSG u përball me Al-Nassr të Cristiano Ronaldos në fushë.

Saint mori të dyja fanellat e tij të Neymar dhe Ronaldos të firmosura nga dy yjet e futbollit pas ndeshjes.

Neymar dhe Ronaldo gjithashtu kaluan kohë duke u shoqëruar me Kim dhe Saint brenda stadiumit gjigant.

Të premten, Kim dhe Saint ishin gjithashtu të pranishëm në debutimin e Lionel Messit për Inter Miami kur ata luajtën me skuadrën meksikane Cruz Azul në Fort Lauderdale, Florida. /Telegrafi/