Kili është kualifikuar në finale të Kupës së Konfederatave duke eliminuar Portugalinë pas ekzekutimit të penaltive.
Në dhjetë minutat e para ka mundur të shënoheshin dy gola – nga një për secilën skuadër, mirëpo intervenimet mbresëlënëse të Rui Patricios në njërën anë dhe Claudio Bravos në anën tjetër, bënë që rrjetat të mos prekeshin.
(Twitter/Squawka)
Loja e mirë vazhdoi deri në mbyllje të 45 minutave të para, mirëpo rrjetat heshtën dhe me rezultatin e fillimit të ndeshjes, skuadrat shkuan në pushim.
Arturo Vidal ishte i rrezikshëm në gjysmën e dytë me dy raste të mira, ndërsa Patricio u tregua serish vendimtar duke ndalur një goditje nga Eduardo Vargas.
(Twitter/Squawka)
Skuadra portugeze, nga ana tjetër, ndërtonte aksione në përpjekje për ta ndëshkuar kundërshtarin, mirëpo as ata nuk ia dilnin të shënonin.
CR7 dhe bashkëlojtarët e tij u përpoqën në minutat e fundit të kohës së rregullt që ta rrëmbenin fitoren, por nuk ia dolën dhe sfida shkoi në vazhdime.
(Twitter/Squawka)
Rastin më të mirë në pjesën e parë të vazhdimeve e pati Alexis Sanchez, por goditja e tij me kokë shkoi jashtë.
Kur po përfundonte edhe pjesa e dytë e vazhdimeve, Vidal goditi shtyllën, ndërsa topin e kthyer, Alexis nuk arriti ta dërgonte në rrjetë, pasi edhe ai e përplasi për shtylle.
https://www.dailymotion.com/video/x5s3qwj_alexis-sanchez-missed-big-chance-portugal-vs-chile-28-06-2017-hd_sport
Duke qenë se nuk pati gola, fituesi u vendos nga njëmbëdhjetëmetërshat. Dhe nga ekzekutimi i penaltive më të suksesshëm u treguan lojtarët e Kilit. Claudio Bravoi i ndali tre penallti të portugezëve.
Kili në finale do të luajë kundër fituesit të duelit ndërmjet Gjermanisë dhe Meksikës. /Telegrafi/
https://www.dailymotion.com/video/x5s3rgx_penalties-hd-portugal-0-3-chile-confederations-cup-2017-hd_sport
