Prokuroria Themelore në Ferizaj, Departamenti i Përgjithshëm, ka paraqitur kërkesë për caktimin e masës së paraburgimit pranë Gjykatës Themelore në Ferizaj kundër të pandehurit L.A, për shkak të dyshimit të bazuar se ka kryer veprën penale “Tregtia e ndaluar”.
Sipas një njoftimi për media të Prokurorisë Themelore, i pandehuri me urdhër të prokurorit të shtetit gjendet në ndalim prej datës 18 dhjetor 2018.
“Ekziston dyshimi i bazuar se më datën 18.12.2018, pa autorizim ka blerë dhe shkëmbyer mallin ashtu që pas kontrollit nga Njësiti Antikontrabandë-Dogana e Kosovës, në automjet kanë hasur cigare pa banderola, gjithsej 950,000 copë nga Maqedonia, të njejtat iu kanë sekuestruar, me ç’rast i iu ka shmangur detyrimeve doganore në shumë prej 52, 545.60 Euro”, thuhet në njoftim. /Telegrafi/
