Kendall Jenner zgjodhi rehatin me një veshje me stil teksa u bashkua me të dashurin e saj të përfolur, Bad Bunny, për një takim të rastësishëm drekë në Beverly Glen Deli në zemër të Beverly Hills, Los Angeles të enjten.
Themeluesja e 818 Tequila, 27 vjeç – u pa duke shëtitur pranë reperit portorikan, 29 vjeç, për daljen e tyre publike së bashku.
Ylli i Kardashians veshi një palë pantallona të bardha që ishin të lidhura me një rrip të hollë, të kuq në bel.
Ajo i kombinoi ata me një bluzë të bardhë të prerë dhe më vonë hodhi një pulovër ngjyrë bezhë. Modelja përshtati edhe në një palë atlete Adidas të bardha dhe të zeza.
Ajo mori një çantë të madhe ngjyrë të kuqe mbi supin e saj të djathtë për të mbajtur sendet që i duheshin gjatë drekës dhe një palë syze të zeza.
Ndërsa, artisti latin zgjodhi veshje sportive ngjyrë kafe me atlete të zeza për daljen.
Fituesi i "Grammy"-t mbante edhe një kapele të gjelbër të Los Angeles Dodgers në kokë, e cila ishte vendosur mbrapa, ndërsa gjithashtu shtoi një gjerdan me zinxhirë ari dhe një palë vathë për të kompletuar dukjen.
Dyshja, të cilët ndezën për herë të parë thashethemet për romancë më herët në shkurt, u panë duke ecur krah për krah nëpër një parking dhe zhvilluan një bisedë teksa po shkonin drejt restorantit.
Pasi dolën së bashku nga një restorant në Los Angeles në shkurt, dyshja janë parë në shumë raste që atëherë, të tilla si shijimi i darkave së bashku dhe shkuarja në një shëtitje me kalë në prill.
Më vonë po të njëjtin muaj, modelja dhe reperi u panë në Festivalin e Muzikës Coachella, dhe Jenner u pa gjithashtu duke brohoritur për artistin muzikor gjatë setit të tij në eventin vjetor.
Vetëm disa ditë përpara MET Gala 2023, dyshja dolën për darkë romantike bashkë.
Edhe pse të dy nuk ecën në tapetin e kuq në eventin e përvitshëm magjepsës në fillim të majit, Kendall dhe Bad Bunny, emri i vërtetë i të cilit është Benito Antonio Martínez Ocasio, u shfaqën në një festë së bashku.
Gjithashtu muajin e kaluar, dy yjet u panë të ulur pranë njëri-tjetrit për të parë ndeshjen e playoff-it të Lakers kundër Golden State Warriors në NBA.
Edhe pse dyshja janë parë duke shijuar shoqërinë e njëri-tjetrit gjatë muajve të fundit, si Kendall ashtu edhe Bad Bunny nuk kanë komentuar ende publikisht mbi spekulimet e lidhjes. /Telegrafi/
