Kandidati i LVV-së për Pejë, Taulant Kelmendi, ka komentuar rezultatin e balotazhit, ku fitues doli Gazmend Muhaxheri i LDK-së.
Ai e ka konsideruar rezultatin si të pritshëm për shkak të bashkimit të forcave politike të tjera, por ka theksuar se kjo fitore nuk është fitore e qytetit të Pejës.
“Për besë kjo është fitore e Gazmend Muhaxherit dhe grupit të tij nuk është fitore e qytetit të Pejës. Megjithatë ky është rezultati. Unë mendoj që ky rezultat është i ndikuar prej grupeve prej shumë bashkimeve të vjetruara politike dhe nuk meriton respekt megjithatë urime grupit të Gazmend Muhxaherit”, ka deklaruar Kelmendi në lidhje telefonike në Debat Plus.
