“Ke humbur dikë që të ka dashur pa kufi”, Max Ehrich flet sërish për Demi Lovato

Ndarja mes këngëtares Demi Lovato dhe aktorit Max Ehrich është duke bërë xhiron në rrjet.

Prej dyshes më aktiv mbetet Max, i cili vazhdimisht përmes paraqitjeve të tij flet për rrjedhën e marrëdhënies me Demin, shkruan Daily Mail.

Së fundmi, përmes një video në rrjetin social Instagram ai ka treguar se kjo është eksperienca më e çuditshme që ka përjetuar.

“Kjo është eksperienca më e çuditshme që kam përjetuar, pasi asnjë person nuk meriton të ndihet në këtë mënyrë”, është shprehur ai.

Mes tjerash ai shtoi: “Shpresoj që kjo të bën të lumtur. Shijoje. Ti sapo humbe një person që të ka dashur pa kufi, për gjithçka”.

Rastin ai e ka krahasuar me ndarjen e Ariana Grande me Pete Davidson në vitin 2018, pasi këngëtarja e kishte bërë të njëjtën gjë si Lovato.

Thuhet se krijuesja e hitit “Sorry not sorry” nuk i ka treguar aktorit se po ndahen, teksa ky i fundit e ka kuptuar nga lajmet.

Ish-çifti patën dashuri në shikim të parë në mars të këtij viti, ndërsa u fejuan në korrik, momente këto që përfunduan javën e kaluar. /Telegrafi/