Katy Perry publikon klipin e ri “Harleys In Hawaii”

Këngëtarja e famshme amerikane, Katy Perry, është rikthyer me këngë të re të titulluar “Harleys In Hawaii”.

Këngëtarja 34-vjeçare, solli këtë këngë me videoklip, i cili është xhiruar në Hawaii, drejtuar nga studioja me bazë në Barcelonë, “Manson”.

Ky projekt është punuar në bashkëpunim me Johan Carlsson dhe Jacob Kasher Hindlin.

Gjatë gjithë videove, Katy shfaqet në momente intime me të ‘dashurin’ e ri, teksa në një pjesë tjetër të klipit të dy janë duke u përkëdhelur në shtrat, ku këngëtarja e hitit “This Is How We Do” shfaqet e veshur në një bluzë të bardhë dhe të brendshme blu.

Lexo po ashtu Të gjitha lajmet nga Katy Perry

Dhe drejt fundit, Katy është në motoçikletë me të dashurin e saj të ri, madje bëhet edhe pak e rrezikshme teksa i dashuri i saj drejton.

Në korrik, për një radio Perry tregoi se u frymëzua për një projekt të tillë kur ishte në pushime në Hawaii me të fejuarin e saj, Orlando Bloom.

Me këtë të fundit Katy javë më parë ka thënë se dëshiron të martohet dhe siç duket ceremonia e tyre do zhvillohet në fund të këtij viti.

Orlando para se të martohej me aktoren ishte në lidhje me super modelen amerikane, Miranda Kerr me të cilën ka djalin, Flynn. Gjithashtu edhe zeshkania 34-vjeçare ishte e martuar me aktorin hollivudian, humoristin Russell Brand. /Telegrafi/