Katër transferimet që pritet t’i realizojë Barcelona para se të mbyllet afati i janarit

Xavi Hernandez dëshiron që Barcelona të sjellë një sulmues dhe një anësor para përfundimit të afatit kalimtar të janarit.

42-vjeçari – i cili do të kënaqej me vetëm një fytyrë të re në secilën prej këtyre pozicioneve – ka komunikuar kërkesën e tij në departamentin teknik të klubit dhe do të shpresojë që transferimi të bëhet në atë pak kohë që ka mbetur nga afati kalimtar.

Dani Alves dhe Ferran Torres kanë mbërritur tashmë këtë muaj, por Xavi është ende i shqetësuar për pjesën ofanzive dhe mungesën e një sulmuesi tipik.

Lexo po ashtu ‘Bisha’ kthehet në shtëpi, Barcelona dhe Wolves arrijnë marrëveshje për Adama Traoren

Xavi gjithashtu kishte dashur të forcohej edhe në mbrojtje, por tani për tani kjo do të ishte një shtesë e këndshme.

Si gjithmonë këto ditë në Barcelonë, hapësira e nevojshme do të duhej të bëhej në faturën e pagave të klubit përpara se ndonjë ardhje e re të vijë në skuadër.

Nuk ka dyshim se Blaugranasit po shënojnë më pak gola se në sezonet e mëparshme, me numrin e sezonit të kaluar në të njëjtën pikë të La Liga që ishte 12 gola më shumë se këtë sezon.

Sigurisht që ka arsye përse është ky numër i golave, njëra ndër to është edhe largimi i Lionel Messit.

Edhe përveç largimit të argjentinasit në Paris Saint-Germain, pensionimi i detyruar i Sergio Agueros dhe lëndimet e Martin Braithëaite, Memphis Depay dhe Ousmane Dembele nuk kanë ndihmuar.

Mateu Alemany dhe pjesa tjetër e hierarkisë së klubit janë të vendosur për të ndihmuar Xavin në përpjekjet e tij për rekrutim dhe duan të adresojnë boshllëqet si sulmuesin ashtu edhe atë të krahut nëse munden, por ata janë të vetëdijshëm se gjendja e tregut dhe kufizimet e tyre financiare e bëjnë këtë një kërkesë të vështirë për të përfunduar objektivat e tyre në vetëm disa ditë.

Objektivat e transferimit të Barcelonës

Alvaro Morata është një dhe fakti që ai dëshiron të vijë në Barcelonë funksionon për të gjithë – por asgjë nuk është rënë dakord ende.

Adama Traore është lidhur me plotësimin e krahut, por sërish asgjë konkrete nuk është diskutuar mes katalanasve dhe Wolves.

Lexo po ashtu Barcelona nuk heq dorë nga Morata, Laporta takohet me Atletico Madridin

Për sa i përket përforcimit të mbrojtjes, Nicolas Tagliafico do të ishte opsioni i parë i klubit.

Alex Grimaldo – aktualisht në Benfica, por një ish- lojtar i Barcelonës B – është gjithashtu në listë nëse ka vend në buxhet, pas kapjes së objektivave sulmues. /Telegrafi/