Karriera në ngjitje e Ansu Fati, xhevahiri i fundit i La Masias që ka klauzolë prej 100 milionë euro

Në moshën 16 vjeç dhe 298 ditë, Ansu Fati u bë lojtari i dytë më i ri në historinë e Barcelonës, që debuton në La liga,.

I riu me origjinë nga Guinea-Bissau e mbylli ndeshjen në krah të Antoine Griezmann nën dritat e Camp Nou, pastaj nën përqafimin e më të madhit, Lionel Messit.

“Unë mbeta në fushë për pak [pas ndeshjes] sepse nuk mund ta besoja”, ka thënë pas ndeshjes Ansu Fati.

Edhe babi i tij Bori Fati, e pranoi se ishte dita më e lumtur në jetë e tij, ndërsa tregoi se bashkë me gruan kishin qarë, kur e kishin kuptuar se ishte ftuar për ndeshjen me Real Betisin.

Ansu Fati ka një ngritje interesante dhe plot magji. Ai ishte afër Real Madridit, që kishin ofruar më shumë para, por që së bashku me familje ai vendosi të qëndrojë në Barcelonë.

Ai ka qenë elektrik që nga ardhja e tij në Barcelona nga Sevilla dhe është bërë një nga lojtarët më premtues në akademinë e klubit.

Ai ka qenë një startues i qëndrueshëm në çdo grupmoshë në të cilën ka luajtur dhe ka dhënë një ndikim të madh në fazën kontinentale në Champions Youth UEFA.

Ai shënoi katër gola dhe kontribuoi me tre asistime në nëntë ndeshjet që ai luajti në këtë agrë.

Fati rinovoi kontratën e tij me Barcelonën në fillim të këtij viti, duke vendosur një klauzolë të re lirimi prej 100 milionë euro.

Ndikimi i debutimit të tij me Blaugranat është parë edhe në mediat sociale.

Instagrami i Fati në vijim shkoi nga64,000 para ndeshjes në 450,000  pas debutimit të tij në Camp Nou. /Telegrafi/

https://www.youtube.com/watch?v=zvsLX_sO8cY