Kapiteni i Ludogorets, Despodov: Humbëm me meritë, Ballkani na ‘shtypi’

Kapiteni i Ludogorets, Kiril Despodov ndau mendimin e tij pas humbjes befasuese 2:0 nga Ballkani në ndeshjen e parë kualifikuese në Ligën e Kampionëve.

Ballkani ka bërë një hap të madh drejt kalimit të raundit pas fitores 2-0 ndaj Ludogorets në “Fadil Vokrri”, falë golave nga Meriton Korenica dhe Qëndrim Zyba.

Megjithatë, për bullgarët humbja ka lënë shije të hidhur dhe këtë e ka thënë edhe kapiteni Despodov, i cili ka lavdëruar Ballkanin pas ndeshjes.

Lexo po ashtu Trajneri i Ludogorets, Petev: Ballkani ishte më i mirë se ne, luajti futboll të mirë

“E kam thënë edhe më parë që Ballkani është një ekip i organizuar mirë. Ata bëjnë presion në vend që të mbrojnë. Ne i lamë të kontrollonin lojën deri në minutën e 30-të dhe nuk arritëm t’u përgjigjemi atyre. Me meritë nuk shënuam siç ishte vetëm përmes Dominikut që arritëm atje në fund të ndeshjes”, ka thënë fillimisht Despodov pas ndeshjes.

“Ata ia dolën të na shtypnin mirë. Nuk do të analizoj Ballkanin, por atë për të cilën u stërvitëm, pasi nuk arritëm ta tregonim në ndeshje. Ne humbëm me meritë”.

“Mungesat u vëren, por kjo nuk duhet të jetë justifikim. Të gjithë në fushë dhe në grup kanë klas dhe karakter për Ludogorets. Mungesa e futbollistëve nuk duhet të jetë justifikim”.

Lexo po ashtu Ilir Daja nuk i kursen lëvdatat për lojtarët e Ballkanit pas dominimit që bënë ndaj Ludogoretsit

“Fusha ndikoi në lojën tonë. Ishte e ngadaltë, bari ishte i lartë, por ne mund të kishim luajtur në një fushë edhe më të keqe”.

“Ne duhet të bëjmë më të mirën për të vazhduar. Kushtet në Razgrad do të jenë më të mira. 0:2 është rezultat i pabesë, por ne kemi kthyer ndeshje të ngjashme dhe ka pasur mundësi ta bëjmë sërish”, përfundoi kapiteni i bullgarëve. /Telegrafi/