“Kam rinovuar dy herë këtë verë”, Morata shpjegon vendimin që e bëri të mbetet te Atletico Madridi

Sulmuesi i Atletico Madridit dhe Kombëtares së Spanjës, Alvaro Morata, analizoi në Cadena SER dhe COPE serinë e tij të golave ​​(10 gola në 10 ndeshje) dhe vendimin e tij për të qëndruar në klubin kryeqytetas.

Morata mbetet njëri nga emrat më të përfolur në çdo afat kalimtar, por këtë verë vendosi të mbetet te Atletico dhe po përjeton një super formë.

“Shpresoj të vazhdoj kështu, që gjithçka të shkojë mirë në Atletico dhe t’i kryejmë mirë këto dy ndeshje me kombëtaren. Nëse i fitojmë ato, pothuajse do të jemi në Euro”, ka thënë fillimisht Morata.

“Nuk ka qenë një rrugë e vështirë, por ndihem mirë, ky vit mund të jetë një vit i mrekullueshëm. Golat janë të mirë, por jam më i lumtur me atë që ndihem, në Kombëtare dhe në Atletico. Nuk kam pasur kurrë mundësi të luaj kaq shpesh.

?️ Álvaro Morata, en @partidazocope, sobre su posible salida el pasado verano

?? “Estuve cerca de salir porque necesitaba sentirme importante”

??‍?? “Tuve una conversación con @Simeone y fuimos todos claros. Querían que me quedara”

? #PartidazoCOPE pic.twitter.com/TVddkrjQCD

— El Partidazo de COPE (@partidazocope) October 10, 2023

Morata shpjegoi tutje atë që e bindi të qëndronte në Wanda Metropolitano.

“Më duhej të luaja më shumë. Është e vërtetë që patëm një bisedë që më duhej me Cholo Simeone, me Gustavo Lopez, me Andrea Berta dhe me Miguel Angel Gil. Më duhej të ndihesha i rëndësishëm në klub dhe të luaja më shumë se sa luajta vitin e kaluar. Ashtu si këtë vit, Nuk mendoj se kam luajtur kaq shpesh për Atleticon”.

“Isha afër largimit sepse kisha nevojë të ndihesha i rëndësishëm dhe këtë vit ndihem më i rëndësishëm. Fola me Simeone dhe Gustavo Lopez dhe ata më thanë se donin që unë të qëndroja. I thashë shumë gjëra, kalova një kohë të mirë duke folur. Unë kisha nevojë për disa gjëra që ai më kërkonte”.

“A do të varej e ardhmja ime në Atletico nga ajo bisedë? Po, me siguri. Sigurisht”.

“Përveç asaj që më tha Simeone, që është biseda jonë, ishte e rëndësishme se si më bënë të ndihem shokët e mi këtë vit. Njerëzit në Atletico më njohin pak tani, mund të shënoj pak a shumë gola, por po vdes të fitoj një trofe me Atleticon”.

“Unë kisha opsione të ndryshme dhe nuk e di nëse njerëzit nga kaq shumë skuadra që më duan janë të çmendur. Unë gjithmonë kam mjaft opsione. E kam thënë tashmë në një intervistë tjetër më parë, madje më bën të qesh kur unë shikoj videot që thonë se kam ëndërruar të luaj për ato skuadra madje më bën të qesh, por do të doja të shihja se cili fëmijë nuk do të donte të luante për ekipet për të cilat kam luajtur dhe në Kombëtare. Unë qesh, çdo verë kam disa opsione, por opsioni im i parë ishte të qëndroja në Atletico”.

“Ka një histori të gjatë, falënderoj Miguel Angel dhe Berta për besimin e tyre, kam rinovuar dy herë këtë verë. Me ofertën nga Arabia vendosa të vazhdoj të flas me trajnerin dhe me besimin e klubit dhe bashkëlojtarëve të mi, ata ishte e rëndësishme për të marrë këtë vendim. Mund të jetë një vit i rëndësishëm”, përfundoi spanjolli. /Telegrafi/