“Kadri Zeka” hap dyert për studentët e rinj

Universiteti “Kadri Zeka” të hënën, më 11 korrik 2016, hap konkursin për pranimin e studentëve të rinj në vitin e parë të studimeve për vitin akademik 2016-2017.

Në afatin e parë të konkursit të studimeve themelore – bachelor – Universiteti “Kadri Zeka” në Gjilan do të regjistrojë 1504 studentë të rregullt, ku përfshihen edhe studentë nga Presheva, Bujanoci dhe Medvegja, si dhe nga komunitetet pakicë.

Për ta lehtësuar aplikimin, Administrata e Universitetit “Kadri Zeka” do të punojë edhe ditën e shtunë, thuhet në njoftimin nga ky institucion arsimor.

Për regjistrimin e studentëve në vitin e parë të studimeve afatet e konkursit janë si vijon: Paraqitja e dokumenteve zgjat prej datës 11-18 korrik 2nga ora 9.00 deri në orën 16.00 (dokumentet do të pranohen çdo ditë – me përjashtim të dielave).

Provimi pranues do të mbahet më 21 korrik 2016. Detajet lidhur me kohën e mbajtjes së provimit pranues sipas njësive akademike do të shpallen në ueb faqen e universitetit, www.uni-gjilan.net, më 20 korrik. Shpallja e rezultateve të provimit pranues do të bëhet më së voni deri më 26 korrik në fakultetet përkatëse si dhe në ueb-faqen e universitetit.