Juventusi me një plan konkret për transferimin e Chiesas, ofron para dhe një futbollist për të

Juventusi është rikthyer në garë për transferimin e Federico Chiesas.

Talenti italian ka shprehur gatishmërinë për tu larguar nga Fiorentina, pasi dëshiron t’i bashkohet ndonjë skuadre më të madhe.

Inter, Juventus dhe Milan kanë qenë në garë për të, por edhe Roma është një tjetër skuadër që dëshiron shërbimet e tij.

Megjithatë asnjëra nga skuadrat nuk është gati të shpenzojë shumën e kërkuar prej 60 milionë eurove nga Fiorentina.

Juventus është rikthyer përsëri në garë, teksa tani ka një plan konkret për afrimin e talentit italian.

Kampioni në fuqi i ka ofruar 10 milionë euro Fiorentinës për huazimin e tij, teksa me mundësi blerje për 20 milionë euro të tjera në verën e vitit 2021.

Përpos 30 milionë eurove që do t’i fitonte Fiorentina nga largimi i tij, klubi vjollcë do ta merrte edhe mbrojtësin e majtë Luca Pellegrini nga Juventusi i cili është i përfshirë në ofertë.

Fiorentina i ka bërë me dije Juventusit se po e shqyrton ofertën dhe brenda javës do të rikthejnë përgjigje. /Telegrafi/