Juventusi flet për transferimet, ‘godet’ keq Draxlerin – ëndrra quhet James Rodriguez

Juventusi gjendet në Doha të Katarit ku do të luajë me Milanin në Superkupën e Italisë.

Kreun i blerjeve te Zonja e Vjetër, Guiseppe Marotta, pasi e konfirmoi blerjen e Mattia Caldaras, ka folur edhe blerjet e reja.

“Axel Witsel? Është stopuar gjithçka, pasi kontrata e tij skadon në qershor dhe kanë mbetur edhe pesë muaj deri atëherë. I bie që ta paguajmë 1 milionë euro në muaj”.

“Sa i përket Steven N’Zonzi, kemi raporte të mira me Sevillan dhe jemi duke i shikuar mundësitë se a është e duhur blerja e tij”.

Lexo po ashtu Juventusi konfirmon transferimin, blen yllin e parë nga Atalanta

“Mahmoud Dahoud ose Julian Draxler? Për të parin mund të them se ka shumë lojtarë që na pëlqejnë dhe jemi duke përcjell shumë talentë”.

“Për të dytin është e pamundur që ai të vijë te Juve, pasi ai na ka shkaktuar shumë probleme ne refuzimin e tij në vitin 2015”.

“Nëse refuzon një herë, mirë, por Juve do të shikojë diku tjetër”.

Bianconerët kanë qenë të lidhur edhe me yllin e Real Madridit, James Rodriguez, që mund të vijë në verë.

Lexo po ashtu Mandzukic e pranon se nuk i pëlqen të jetë zëvendësues, me këtë rast tregon edhe idhullin e fëmijërisë

“Katër ose pesë vite më parë ka qenë e pamundur të mendosh që do të blihen lojtarë si Gonzalo Higuain dhe Miralem Pjanic, tani e kemi këtë mundësi”.

“Rodriguez do të varet nga kampanja e transferimeve, financat që gjithmonë respektohen nga ne, por Juve kërkon të bëhet klubi më i mirë në botë. Ku është qëllimi ynë”, ka thënë Marotta. /Telegrafi/