Juventusi nuk ka pasur telashe në ndeshjen e fundit të fazës grupore të Ligës së Kampionëve duke e mposhtur Dinamo Zagrebin me rezultat 2-0.
Bianconerët ishin dominues në gjysmën e parë të lojës, mirëpo përkundër rasteve nuk ia dolën të shënojnë.
Falë angazhimit të Leminas, Gonzalo Higuain e mori topin dhe me një goditje të fuqishme e zhbllokoi rezultatin (52’).
Një harkim të Pjanic nga këndi e priti në zonë Daniele Rugani për të shënuar me kokë golin e dytë të vendasve (73’).
Me këtë fitore, Juventusi vazhdon në fazën e eliminimit direkt nga vendi i parë në Grupin H, me 14 pikë.
Ndeshja tjetër e këtij grupi, ndërmjet Lyonit dhe Sevillas, ka mbaruar pa gola. Skuadra spanjollë vazhdon në Ligën e Kampionëve, kurse ekipi francez do të luajë në Europa League. /Telegrafi/
https://www.dailymotion.com/video/x54n6c7_gonzalo-higuain-goal-hd-juventus-1-0-dinamo-zagreb-07-12-2016_sport
https://www.dailymotion.com/video/x54n8ba_rugani-goal-2-0-juventus-vs-dinamo-zagreb_sport
