Federico Chiesa është njëri nga futbollistët më premtues në Serie A.
Mesfushori italian vitin e kaluar bëri debutimin me skuadrën e parë të Fiorentinës duke bërë paraqitje fantastike.
Ndërkohë këtë edicion, Chiesa është lider i skuadrës vjollcë dhe ka shkëlqyer në ndeshjet e zhvilluara në kampionat.
Chiesa ka zhvilluar 15 ndeshje në Serie A, ku ka shënuar katër gola dhe ka dhuruar tre asistime për Fiorentinën.
Kjo ka bërë që kampioni aktual i Italisë, Juventus të bëjë gati një ofertë për transferimin e tij në Torino.
Sipas medieve italiane, ‘Zonja e Vjetër’ ka bërë gati një ofertë prej 40 milionë euro për transferimin e Chiesas.
Gjithsesi transferimi i tij nuk do të jetë i lehtë, pasi në garë për të mbetën edhe skuadrat tjera të mëdha italiane si Roma, Napoli dhe Inter.
20-vjeçari po kërkohet edhe nga gjiganti francez Paris Saint Germain si dhe skuadrat londineze Chelsea dhe Tottenham Hotspur.
Anësori shtatshkurtër ka kontratë me Fiorentinën deri në qershorin e vitit 2022. /Telegrafi/
