Justin Bieber u pa i rraskapitur dhe i çrregullt në një dalje të fundit në New York, mes shqetësimeve në rritje të fansave për gjendjen e tij.
Këngëtari 30-vjeçar doli i vetëm nga një studio muzikore, me këmishën e zbërthyer që ekspozonte tatuazhet në gjoks, pavarësisht motit të ftohtë dhe me shi.
Ndërkohë, burime pranë tij thanë për DailyMail.com se ai po lufton me izolimin dhe ankthin nga turmat e mëdha, duke preferuar të qëndrojë në shtëpi ndërsa gruaja e tij, Hailey, është më e angazhuar me punën, shkruan DailyMail.
Spekulimet për tensione në martesë u shtuan pasi çifti u pa duke darkuar veçmas në të njëjtin restorant.
Miqtë e Hailey-t thuhet se janë të shqetësuar për sjelljen e paparashikueshme të Justinit dhe disa madje i kanë sugjeruar asaj ta lërë atë.
Së fundmi, Bieber ka hequr nga ndjekja disa njerëz të afërt në rrjetet sociale, përfshirë mentorin e tij Usher dhe ish-menaxherin Scooter Braun, duke rritur edhe më shumë spekulimet mbi gjendjen e tij aktuale. /Telegrafi/
