A jua mbajnë macet shtëpinë të sigurt nga gjarpërinjtë?

Njerëzit shpeshherë dëgjojnë mite të ndryshme rreth gjarpërinjve

Shumica e e fëmijëve rriten duke menduar se gjarpërinjtë zakonisht janë të hollë, të rrezikshëm, të gjithë janë helmues dhe të frikshëm, dhe disa ekspertë të psikologjisë edhe pohojnë se frika e gjarpërinjve ndodh që nga lindja.

Megjithatë, këto nuk janë gjithmonë të vërteta.

Nëse jetoni në zonë rurale dhe shpeshherë keni hasur në gjarpërinj në oborrin tuaj, atëherë padyshim se keni menduar si t’i largoni ata për të mos u kthyer më.

Sipas disa ekspertëve, një zgjidhje e mirë për këtë mund të jenë macet shtëpiake, transmeton Telegrafi.

Sipas tyre, maceve u pëlqen të kapin, të vrasin dhe të hanë gjarpërinj – e veçanërisht gjarpërinj të vogël. E kjo është veçanërisht e vërtetë nëse gjarpri është i frikësuar dhe është duke u përpjekur të largohet shpejt – sikurse është duke iu shmangur një grabitqari të rrezikshëm.

Me termin “gjarpër i vogël”, ekspertët mendojnë për gjarpërinjtë të gjatë deri në pothuajse dy metra dhe që nuk janë helmues.

Sipas ekspertëve, macet vështirë se frikësohen nga llojet më të zakonshme të gjarpërinjve, por një betejë mes maces dhe një gjarpri helmues mundet edhe të jetë fatale për macen. /Telegrafi/