Prishtina ka marrë një fitore tejet të rëndësishme në kuadër të javës së 17-të në Superligë.
Kryeqytetasit kanë mposhtur Gjilanin me rezultat të ngushtë 2-1 duke u ngritur në pozitën e dytë në tabelë.
Trajneri i Prishtinës, Mirel Josa ka përgëzuar futbollistët për angazhimin në fushë edhe pse ishte e vështirë.
“I përgëzojë futbollistët e të dyja skuadrave për maksimumin e dhënë në një terren tejet të vështirë”.
“Të rëndësishme sot ishin tri pikët pasi na duheshin shumë për siguri dhe vazhdimësi”, deklaroi Josa pas ndeshjes.
Krejt në fund tiranasi nuk ka dashur të flasë për titullin e kampionit pasi sipas tij duhet vetëm të punojnë.
“Nuk duhet të flasim për titullin e kampionit njëherë. Neve na takon vetëm që të punojmë shumë”, u shpreh Josa.
Pas fitores ndaj Gjilanit, Prishtina është ngritur në pozitën e dytë në tabelë me 31 pikë, dy më pak se lideri Llapi. /Telegrafi/
