Johnson riformatoi qeverinë e Britanisë: Shkarkoi tre ministra, transferoi disa në poste të tjera

Pas disa javëve me thashetheme, kryeministri britanik Boris Johnson sot riorganizoi qeverinë për të krijuar një “ekip të bashkuar” për periudhën pas pandemisë, duke u larguar edhe Ministrin e Punëve të Jashtme, Dominic Raab.

Pas një viti e gjysmë të një krize shumë të dhimbshme të COVID-19 në Mbretërinë e Bashkuar dhe një largimi të kritikuar ashpër nga Afganistani ndërsa BREX-it prish furnizimin e vendit, kreu i qeverisë konservatore po përpiqet të gjejë një shtysë të re.

Ministri i Jashtëm, Dominic Raab është zëvendësuar, duke u bërë Ministër i Drejtësisë dhe Zëvendëskryeministër, një pozicion që ai e ka mbajtur deri më tani de facto ndërsa drejtonte qeverinë në pranverën e vitit 2020 kur Boris Johnson u shtrua në spital pas infektimit me coronavirus, raporton bbc.

Liberali 47-vjeçar është kritikuar për dështimin e menaxhimit të krizës afgane. Ai qëndroi në Kretë në kohën kur Kabuli ra në duart e talebanëve në mes të muajit gusht dhe më pas fajësoi ushtrinë për gabime të caktuara gjatë evakuimit nga Afganistani, transmeton Telegrafi.

Ministrja e Tregtisë së Jashtme, Liz Truss, 46 vjeç, po e zëvendëson atë në atë post strategjik, ndërsa Britania po përpiqet të forcojë pozicionin në skenën ndërkombëtare pas BREX-it.

Ministri i Arsimit, Gavin Williamson po largohet nga qeveria siç pritej pasi shkollat u mbyllën gjatë karantinës dhe dështimet që pasuan gjersa e njëjta ka ndodhur me Ministrin e Drejtësisë, Robert Buckland dhe Ministrin e Strehimit, Robert Jenrick.

Sidoqoftë, një i preferuar i shtypit konservator, ministri i ri dhe i popullarizuar i Financave, Rishi Sunak, (41) është konfirmuar, ashtu si edhe Ministri i Brendshëm, Priti Patel.

Downing Street paraqiti riorganizimin e qeverisë si një mënyrë për të “ndërtuar një ekip të fortë dhe të bashkuar për rindërtimin më të mirë pas pandemisë me qëllim të bashkimit dhe unifikimit të të gjithë vendit”.

Ky njoftim vjen në një kohë të ndjeshme për kreun e qeverisë, i cili mbërriti në rrugën Downinig në verën e vitit 2019 dhe fitoi bindshëm zgjedhjet parlamentare të dhjetorit të vitit 2019.

Një sondazh i fundit nga Instituti YouGov tregon një rënie të popullaritetit të konservatorëve në 33 për qind, e cila u tejkalua nga Partia e Punës për herë të parë që nga fillimi i vitit (35 për qind). /Telegrafi/