Jeta e Dani Alves po rrënohet: Gruaja e tij u dëbua nga shtëpia derisa ai po qëndron në burg, ndërsa më e keqja akoma nuk ka ardhur

Futbollisti i njohur brazilian, Dani Alves, aktualisht po kalon periudhën më të keqe të jetës së tij pasi ka tre muaj që ndodhet në burg për akuzat e përdhunimit, ndërsa lajmet e këqija për të nuk kanë fund.

Bashkëshortja e tij, Joana Sanz, është duke i grumbulluar dokumentet dhe dëshiron të shkurorëzohet sa më shpejt nga ai.

Duke iu referuar emisionit të Telecinco, ‘Fiesta’, Marca raporton se ajo është dëbuar nga prona e Alves, gjegjësisht nga shtëpia të cilën e ndante me futbollistin e famshëm prej vitesh.

Lexo po ashtu Dani Alves i shkruan letër nga burgu ish-partneres: Dua një shans tjetër

Dinora Santana, nëna e fëmijëve të brazilianit, thuhet se ka qenë personi që e ka njoftuar Joanan se duhej ta lëshonte shtëpinë e tij.

Përkatësisht, Sanz nuk ka dashur të nënshkruajë një deklaratë konfidencialiteti dhe paanshmërie dhe për këtë arsye nuk ka mundur të qëndrojë në pronën që e konsideronte si shtëpi për një kohë të gjatë. Ajo i paketoi shpejt gjërat dhe u largua nga shtëpia.

Lexo po ashtu Një tjetër femër akuzon Dani Alvesin për sulm seksual

Kohë më parë, emisioni televiziv spanjoll ‘Y Ahora Sonsoles‘ zbuloi letrën emocionuese që 39-vjeçari i shkroi gruas së tij. Në këtë letër, mes tjerash, ai ka prekur edhe një herë krimin për të cilin akuzohet dhe të cilin e refuzon me përbuzje.

Ndërkohë, Sanz i ka hequr të gjitha fotografitë e përbashkëta nga Instagrami, ndërsa profili i Alves është i mbushur me fotografi me bashkëshorten.

Lexo po ashtu “E pyeta dy herë nëse i pëlqente dhe ajo tha po” - Alves del me dëshmi të re

Së shpejti pritet të merret vendimin dhe nëse duhet t’u besohet burimeve të mirinformuara, nuk ka gjasa që Alves ta provojë pafajësinë e tij në këtë rast. /Telegrafi/